Isaías 15:1-9
-
Moabman juicio chayamunanmanta (1-9)
15 Kay willakuyqa Moab suyu contran:+
Juj tutallapin thunisqa kapun,Moabpi kaq Ar llaqtan+ ch’innichisqa kapun.
Juj tutallapin thunisqa kapun,Moabpi kaq Quir llaqtan+ upallachisqa kapun.
2 Runakunan temploman seqanku, Dibón llaqtaman wichanku,+waqanankupaqmi yupaychana patakunaman* wichanku.
Moabmi Nebo llaqtamanta+ Medebá llaqtamanta+ pesapakun.
Chujchakunapas k’isusqan kashan,+ sunkhakunapas rutusqan kashan.+
3 Callekunapin runakunaqa qhasqa p’achawan churasqa purishanku.
Wasi patakunapin, plazakunapin llapallanku waqashanku,khuyayta waqaspan purishanku.+
4 Esbonpas Elealepas+ qaparishankun,kunkankuqa Jáz llaqtakamaraqmi uyarikushan.+
Moabpa soldadonkunaqa khuyaytan waqashanku.
Llapankun mancharisqa kashanku.
5 Sonqoymi Moabmanta waqan.
Runankunan Zóar llaqtakama+ Eglaj-Selisiyakama+ ayqekunku.
Luij qhatatan waqaspa seqashanku.
Oronainman riq ñanpin sinchi nanaypi tarikusqanmanta qaparinku.+
6 Nimrin wayq’o unupas ch’akipunmi,q’omer pastopas ch’akipunmi;manapunin ima qorapas kanñachu,llapa qoran ch’aki kashan.
7 Chaymi paykunaqa waqaychakusqanku mijuyta qhapaq kayninkutawan apakapushanku,álamo wayq’ontan chimpashanku.
8 Paykunaq qaparisqankuqa llapa Moabpin uyarikun,+waqasqankuqa Eglainkamaraqmi chayan,Ber-Elinkamaraqmi uyarikun.
9 Dimón unuqa yawarkaman kashan,chaywanpas imaymanapiraqmi tarikunqa:
Moabmanta ayqekuqkunamanqa juj leonmi phawaykunqa,chaypi qhepaqkunamanpas juj leonmi phawaykunqa.+
Uraypi willakuykuna
^ Hebreo rimaypiqa “alto patakunaman” ninmi. Qhaway Explicasqa simikuna nisqapi “Yupaychana patakuna” nisqata.
