Manam. Ñuqaykuqa yachanikum, pipas wasin-wasin Diosmanta willakusqallanwanqa mana salvakuy atisqanta (Efesios 2:8). ¿Imanasqa?

 Chaypaq yuyaymanasun kay rikchanachiypi: Kuyapayakuq huk runam ninman maypi hinaspa imay horata sumaq regalokunata qunanmanta. Chay runa mana yanqa rimaq kasqanta yachaspaqa maypi hinaspa imay horata kanapaq nisqanman hinachá chaypi kachwan. Chaymanqa manataqchá sapallanchikchu richwan, willachwantaqmi ayllunchikkunaman chaynataq amistadninchikkunamanpas, paykunapas chay runapa regalasqanta chaskikunankupaq. Chay runapa imapas nisqanta kasukuqkunaqa imapas regalasqantachá chaskinqaku.

 Chaynallataqmi Jehova Diospa testigonkunapas mana iskayrayanikuchu, kasukuptiykuqa wiñay kawsakuyta Dios quwanankumanta (Romanos 6:23). Ñuqaykuqa munanikum hukkunapas wiñay kawsakuy haypanankuta, chaymi Diosmanta willanaykupaq kallpanchakuniku. Ichaqa manam Diosmanta willakusqaykuwanchu salvakusaqkuqa (Romanos 1:17; 3:28). Manam imata ruwaspapas wiñay kawsayta haypaytaqa atichwanchu, Jehova Dios munaptillanmi haypasunqa. Chaymi Biblia nin: ‘Payqa salvawarqanchik manam allinkuna ruwasqanchikraykuchu aswanqa kuyapayawasqanchikraykum’, nispa (Tito 3:5).