Diosqa allin angeltam unancharqa manam Diablotachu, chaymantañam chay angelqa Satanasña otaq Diabloña rikurirurqa. Jesusmi willakurqa, Diabloqa tiempo pasasqanman hina llulla hinaspa runa wañuchiq kasqanta. Qallariypiqa Diosman sonqo angelmi karqa. (Leey Juan 8:44.)

Chay angelqa “Diospa contranpi” churakuspanmi Adanta chaynataq Evata umacharqa Diospa contranpi paykunapas kanankupaq. Satanas ninanqa “Diospa contranpi kaq” ninanmi, Diablo ninanñataqmi “yanqamanta tumpakuq” ninan. (Leey Genesis 3:1-5; Apocalipsis 12:9.)

Diosmi unancharqa angelkunatapas chaynataq runakunatapas allinpaq otaq mana allinpaq tanteakuqta, chayna tanteakunanpaqmi chay angelpas libre karqa. Payqa yupaychasqa kayta munasqanraykum Diostaqa manaña kasukurqachu. (Leey Mateo 4:8, 9; Santiago 1:13, 14.)

¿Imaynatam Diabloqa runakunata Diosmanta karuncharqa? ¿Manchakunanchikchu payta? Kaykunamantam Bibliapi yachanki.