Yuyaqña kaspapas Dios serviytaqa atichwanmi

2009 watapi 19 punchaw diciembre killapim Españamanta sur lawpi Málaga llaqtapi huk señora wawantin bautizakurqa, iskayninkum Ana sutiyoq kanku. Chay watapi 2.352 Españapi bautizakuqkunamanta iskayninkupa rurasqankum admirakuypaq karqa. ¿Imanasqa? Mamanmi 107 watanpi karqa, wawanñataq 83 watanpi.

¿Imam paykunata yanaparqa Diosman qokuspanku bautizakunankupaq? 1970 wata qallariytam wawan kaq Anata Testigo vecinan invitarqa wasinpi rurakuq Aslla Huñunakuspa Bibliamanta Estudioman. Achka kutita riptinpas llamkayninmi harkarqa iñiyninpi ñawparinanta.

Chunka wata pasaruptinmi wakin wawankuna Bibliata estudiaspa bautizakurqaku. Mari Carmen sutiyoq wawanmi mamanta convencechirqa cheqap yachachikuyta kaqmanta kuyananpaq hinaspa Bibliamanta estudiota chaskinanpaqpas. Mari Carmenpa Ana sutiyoq abuelanpas Biblia estudiaytam qallarirqa. Llapanpiqa familianmantam cheqapmanta 10 yacharqaku.

Bautizakusqanku punchawpim iskaynin Anakunaqa kusisqallaña tarikurqaku. Yuyaq mamanmi nin: “Jehová Diosmi kuyawasqanta qawachiwarqa reqsinaypaq permitiwaspam”, nispa. Wawanñataq kaynatawan nin: “Paraiso chayamunankamam Jehová Dios serviyta munani, munayninta ruraspay hinaspa atisqayman hina predicaspay”, nispa.

Iskayninkum viuda kaspankupas huñunakuykunapi kusisqa tarikunku. Congregacionninkumanta huknin ancianom nin: “Manam huk huñunakuymanpas faltakunkuchu hinaspa listom kachkanku Llaqta Cuidaq Revistamanta Estudiopi rimarinankupaqpas”, nispa.

Ejemplonkum yuyarichiwanchik Bibliapa willasqan viuda Anamanta, payqa temploman riyta mana faltakuspanmi ‘tuta-punchaw [. . .] servispan ayunaq hinaspa mañakuq’. Mana faltakuq kasqanraykum favorecesqa karqa, Jesus wawacha kachkaptin reqsinanpaq (Luc. 2:36-38). Diosta servinanpaqqa manam llumpay yuyaqchu karqa 84 watayoq kaspanpas, chaynatam nichwan kunan tiempopi tocayankunamantapas.

¿Kachkanchu Bibliamanta yachay munaq familiaykikuna? ¿Predicaspayki tarirunkichu Diosmanta yachay munaq yuyaq runata? Mayqankupas rimasqanchik Anakuna hinam kanmanku, yuyaqña kaspapas Dios serviytaqa atinmankum.

[25 kaq paginapi suti rikuylla kaq willakuy]

“Jehová Diosmi kuyawasqanta qawachiwarqa”

[25 kaq paginapi suti rikuylla kaq willakuy]

“Paraiso chayamunankamam Jehová Dios serviyta munani”