¿Yuyachkankichu?

¿Leerqankichu qaynakunalla chaskisqayki Llaqta Cuidaq revistakunata? Hinaspaqa yaqapaschá kay tapukuykunata kutichiwaq:

• ¿Imaynatam warmaykichikta yachachiwaqchik leeyta kuyanankupaq?

Tayta-mamakunapa kuyakuywan yachachisqanku hinaspa allin ejemplo qosqankum warmakunata yanapanqa leeyta kuyanankupaq. Libronkunam kanan warmaykichikpaqqa. Uyarikuqta leepuychik. Yanapay rimananpaq hinaspa leesqaykichikmanta kuska rimaychik. Leenanpaq niy hinaspa kallpanchay leesqanmanta tapukunankupaqpas (15/7, 26 paginapi).

• ¿Imataq iñiqmasinchikta yanapanqa qosan otaq señoran traicionaruptin?

Bibliapa nisqanman hina kawsananpaq kallpanchakuqqa manam huchayoqchu sientekunan qosanpa otaq señoranpa pierdekusqanmantaqa. Diosqa yachanmi consuelana hinaspa kallpanchana kanantapas. Jehová Diosqa llaqtanwan otaq iñiqmasinchikkunawanmi consuelota qosunkiman (15/6, 30, 31 paginakunapi).

• ¿Imanasqam Aaronta Dios mana castigarqachu toro kaqlla taytacha rurasqanmanta?

Aaronqa Diospa leyninta mana kasukuspanmi taytachata rurarurqa (Exo. 20:​3-5). Ichaqa, wawqen Moisesmi paypaq orakurqa, mañakusqanqa “llumpay atiyniyoqmi” karqa (Sant. 5:16). Aaronqa achka tiempoñam Diosman sonqo karqa. Toroman rikchakuq taytachata runakuna hikutaptin ruraruptinpas, qatiqninpi rurasqanmi qawachirqa taytacha-mamacha yupaychayta sonqomantapuni cheqnisqanta, payqa Leviy castakuna hinam Jehová Diospa favorninpi churakurqa (Exo. 32:​25-29; 15/5, 21 paginapi).