¿KIKILLANMANTACHU RIKURIRQA?
Arañapa llikan admirakuypaq kasqanmanta
WAKIN arañaqa perqakunapim llikanta ruwan allin laqasqata pampapiñataqmi mana llumpay laqasqata, chaytaqa ruwan pampan puriq uruchakunata hapinanpaqmi. ¿Imaynatam arañaqa allinta laqakunanpaq otaq llumpayta mana laqakunanpaq llikanta ruwan?
Allinta laqasqa llika
Kaypi piensariy: Arañaqa ratakuqllaña llikantam ruyrunpa mallata hina ruwan perqakunapi, wasipa techonkunapi otaq may alto lawpipas. Chay llikam hapin pawaq urukunata mana tipikuspallan. Estudioso runakunam cuentata qokurunku arañapa llikan pampapi ruwasqanqa altopi ruwasqanwan mana chaynalla kasqanmanta otaq hukman clase kasqanmanta (Universidad de Akron Ohio, Estados Unidos). Pampapi llikaqa karu-karulla chakasqa kaspanmi pampan puriq urukunata hapin, chay llikata chutaptinpas manañam kacharinñachu.
Mana llumpay laqasqa llika
Noticiapim willakurqaku chay estudioso runakunaqa arañapa llikan admirakuypaq imayna ruwasqa kasqanta qatipakuspanku huk pegamentota ruwasqankumanta. Chay pegamentotaqa ruwachkanku pipas tullunta pakikuruptin chaywan wankunankupaqmi.
¿Imatam piensanki? Arañam llikanta ruwan allinta laqakunanpaq otaq llumpayta mana laqakunanpaq, chaynataqa ruwan ¿kikillanmanta rikuriq kasqanraykuchu icha unanchasqa kasqanraykuchu?
