Kay qellqapi qawasqaykiman, ¿reparachkankichu huñunakuyniykuman sumaq pachasqa risqaykuta? ¿Imanasqam imayna pachakusqaykupi chaynataq allichakusqaykupi reparaniku?

Diosniykuta respetasqaykuraykum. Manam allinta pachakusqanchikraykuchu Diosqa allinpaq qawawasun (1 Samuel 16:7). Chayna kaptinpas payta yupaychanapaq huñunakuyman rispaqa sumaqta pachakuspam qawachisun payta chaynataq iñiqmasinchiktapas respetasqanchikta. Juezpa qayllanpi kananchik kaptinqa payta respetasqanchikraykuchá imayna pachakusqanchikpi reparasun. Chaynallataqmi huñunakuyninchikpipas imayna pachakusqanchikwan qawachinchik ‘kay pachapa Jueznin’ Jehová Dios respetasqanchikta chaynataq huñunakusqanchik wasitapas (Genesis 18:25).

Bibliapa yachachisqanman hina kawsasqaykuraykum. ‘Humildadwan hinaspa allin tanteowan pachakunapaqmi’ Bibliaqa consejawanchik (1 Timoteo 2:9, 10, NM). ‘Humildadwan pachakuyqa’ manam llika pachawan pachakuychu nitaq runakuna qawapayawananchikpaq hinachu. ‘Allin tanteowan pachakuyñataqmi’ hukkunata mana hukmanyachinapaq hina. Kaykunapi reparaspam sapakama tanteakunanchik imayna pachakunapaq chaynataq allichakunapaqpas. Chaynata allichakuspanchikmi mana rimaspalla ‘Diospa yachachikuyninkuna sumaqllaña’ kasqanta hinaspa ‘Dios alabasqanchikta’ qawachinchik (Tito 2:10; 1 Pedro 2:12). Allichakuspa huñunakuyman riyninchikqa Jehová Dios yupaychasqanchiktam runakunaman sutillata qawachin.

Sumaq allichasqa hinaspa limpio kanapaqqa manam chaniyoq pachawanraqchu pachakuna. Imayna allichakusqaykiwanqa amayá harkachikuychu Huñunakuna Salonman riytaqa.

• ¿Imanasqam Diosta yupaychanapaqqa imayna pachakuyninchikpi allinta reparana?

• ¿Bibliapa imakuna nisqantaq yanapawanchik imayna allichakunapaq?