08 YACHACHIKUY
Diosqa munanmi paypa amistadnin kanaykita
Jehova Diosqa munanmi paymanta yachanaykita. Pay imayna sunquyuq kasqanmanta, imakuna ruwasqanmanta, chaynataq imakunata ruwananmanta astawan yachaspaykiqa paymanmi asuykunki (leey Salmos 25:14). ¿Imakunapitaq kallpanchakuwaq payman asuykunaykipaq? Chaykunamantam bibliawan yachanki, yachankitaqmi Dioswan kuyachikuy imamantapas aswan allin kasqanmanta.
1. ¿Imapaqtaq Jehova Diosqa kallpanchasunki?
Santiago 4:8 niwanchik: “Diosman asuykuptikichikqa paypas asuykusunkichikmi”, nispa. Kaypi nisqanman hinaqa Jehova Diosqa munanmi payman asuykunaykita. Ichapas wakinqa ninmanku: “¿Imaynatataq Diosman asuykuyman mana rikuchkaspayqa? Diosqariki hanaq pachapim kachkan”, nispa. Asuykunanchikta munaspanmi Jehova Diosqa palabranpi qillqachirqa imayna sunquyuq kasqanmanta. Chaymi palabranta leespaqa paymanta yachaspanchik astawan asuykuyta munasunchik.
2. ¿Imanasqataq Jehova Diosqa pi amistadmantapas aswan allin?
Pimantapas astawanqa Jehova Diosllam kuyasunki. Payqa munan kusisqa kawsakunaykitam, munantaqmi sasachakuypi kaspa payta mañakunaykita. Bibliam nin: “Ima llakikichiktapas Diospa makinpi saqiychik, payqariki qamkunamantam nanachikun”, nispa (1 Pedro 5:7). Jehova Diosqa serviqninkunapa mañakusqanta chaylla uyariykuspanmi sunqunkuta tiyaykachispan yanapaykun (leey Salmos 94:18, 19).
3. Jehova Diosqa munanmi asuykunanchikta, ichaqa ¿imayna runam kananchik?
Jehova Diosqa lliw runakunatam kuyan, ichaqa payta kasukuspa allin ruwaqkunatam astawanqa kuyan (Proverbios 3:32). Jehova Diosqa munanmi amistadninkunaqa kamachikuyninkunata kasukuspa kawsakunankuta hinaspa mana allinkunata mana ruwanankuta. Ichapas wakinqa ninmanku: “Huchasapam kallani, manachusmi atiymanchu Diospa kamachikuyninman hina kawsakuytaqa”, nispa. Ichaqa Jehova Diosqa llakipayakuqmi, kamachikuyninkunata kasukunanpaq kallpanchakuqtaqa chaskiykunmi (Salmos 147:11; Hechos 10:34, 35).
ASTAWAN YACHAYKUSUN
Kaypim astawan yachaykusun Jehova Diospa amistadnin kanapaq imapi kallpanchakunamanta, hinaspa Diospa amistadnin kayqa imamantapas aswan allin kasqanmanta.
4. Abrahanqa Diospa kuyasqan runam karqa
Bibliam willawanchik Abrahan sutiyuq runamanta, paymanta yachasqanchikqa yanapawasunmi Diospa kuyasqan kanapaq imakunata ruwananchikmanta. Abrahanmanta leeychik Genesis 12:1-4 hinaspa qatiqninmanta rimariychik:
-
¿Imapaqtaq Jehova Diosqa Abrahanta kamachirqa?
-
¿Imakunapi yanapananmantataq Jehova Dios nirqa?
-
¿Imatam Abrahanqa ruwarqa Jehova Diosta kasukuspan?
5. ¿Imapi kallpanchakunankupaqmi Jehova Diosqa nin amistadninkunata?
Ñuqanchikqa munanchikmi amistadninchikkuna allin runakuna kanankuta chaynataq imapipas yanapaykuwananchikta.
-
¿Amistadnikikuna imayna kanankutataq munawaq?
Leeychik 1 Juan 5:3 hinaspa qatiqninmanta rimariychik:
-
¿Amistadninkuna ima ruwanantam Jehova Diosqa munan?
Jehova Diospa kamachikuyninman hina kawsakunapaqqa mana allin ruwaykunatam saqinanchik, chaymantapas imayna kayninchiktam cambiananchik. Leeychik Isaias 48:17, 18 hinaspa qatiqninmanta rimariychik:
-
¿Imanasqam Jehova Diosqa niwanchik kamachikuyninkunata kasukunapaq?
Amistadninchikqa allinlla kananchikta munaspanmi imatapas niykuwanchik. Jehova Diospas kusisqa, allinlla kawsakunanchikta munaspanmi imayna kawsakunapaq niwanchik.
6. ¿Imakunapim Jehova Diosqa yanapan amistadninkunata?
Jehova Diosqa kuyasqan runakunataqa ima sasachakuyninpipas yanapanmi. VIDEOTA qawaykuychik hinaspa qatiqninmanta rimariychik:
-
Videopi qawasqanchik sipasta, ¿imaynatam Jehova Diosqa yanaparqa warmachallaraq kaptin ima pasasqanwan llumpayta mana hukmanyananpaq?
Leeychik Isaias 41:10, 13 hinaspa qatiqninmanta rimariychik:
-
¿Ima nispam Jehova Diosqa kallpanchawanchik?
-
¿Jehova Diosqa mayqin amistadnikimantapas aswan allinchu kanman? ¿Ima niwaqtaq?
Amistadninchikkunaqa kuyawasqanchikraykum imapipas yanapaykuwanchik. Chaynallataqmi Jehova Diospas kuyawasqanchikrayku yanapawasunchik.
7. Diosman asuykunapaqqa mañakunanchikmi, palabrantapas leenanchikmi
Parlarispanchikmi amistadninchikkunawanqa astawan riqsinakunchik. Leeychik Salmos 86:6, 11 hinaspa qatiqninmanta rimariychik:
-
¿Imaynatam Jehova Diosman imamantapas willakuchwan?
-
¿Imaynatam yachachwan Jehova Dios ima niwasqanchikta?
Mañakuspa willakuptinchikmi Jehova Diosqa uyariwanchik, ñuqanchikñataqmi payta uyarinchik palabranta leespa.
WAKIN RUNAKUNAM NINKU: “Manam atichwanchu Diosman asuykuytaqa”, nispanku.
-
¿Bibliapi mayqin textowantaq yachachiwaq Jehova Diosqa asuykunanchikta munasqanmanta?
YUYARIYKUSUN
Kaypim yacharunchik Jehova Diosqa amistadnin kanaykita munasqanmanta, chaynataq allinña kawsakunaykipaq yanapasunaykimantapas.
¿Ima niwaqtaq?
-
¿Imaynatam Jehova Diosqa yanapan kuyasqan runakunata?
-
¿Imanasqataq Jehova Diosqa niwanchik kamachikuyninkunata kasukunapaq?
-
¿Diospa kamachikuyninkunata kasukuyqa llumpay sasachu? ¿Ima niwaqtaq?
ASTAWAN YACHANAYKIPAQ
¿Imaynañam kawsakunki Diosman asuykuspaykiqa? Chaymantam kay yachachikuypi yachanki.
“Diosmanta yachayninchikqa ancha allinmi” (Willakuq, 15 febrero 2003)
Diosman asuykunaykipaq imakunapi kallpanchakunaykimanta yachanaykipaq kay yachachikuyta leey.
Jehova Diosmanta yacharuspanmi Ivonne sutiyuq warmicha hawkaña kawsakurqa, vidanmanta kay qillqapi leey.
Jehova Diosmanta musu-sipaskunapa ima nisqankuta uyariy.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
