ÑAWPA tiempomantaraqmi casado vidaqa qallarirqa, ichaqa kay tiemponchikpim ancha sasachakuypi tarikuchkan. Achka mozo-sipaskunam drogakunku, huchapakunku, casarasqakunam maltratanakuchkanku, divorcianakuchkanku, achka tayta-mamakunam sapallankuña wawa-churinkuta uywanku chaymantapas kachkantaqmi huk sasachakuykunapas, chaymi wakin runakunaqa piensanku casado vidaqa mana allinpi tukusqanta.

¿Familiaqa atinmanchu llapallanku kusisqa kawsakuyta? Atinmankum, familiapi kusisqa kawsakunankupaq ima ruranankuta yachaspankuqa. Chay ima ruranankumanta yachayqa manam sasachu. Pachaknintin watakunañam familiakunaqa chayta ruraspa kusisqa kawsakunku. ¿Imata ruraspa? Familiaykiwan kusisqa kawsakuy nisqa librom kay tapukuymanta contestachkan. Chaymantapas ejemplokunawanmi yachachichkan familianchikpi sasachakuykunata imayna allichanapaq. Chaynaqa, ¿pipas ninmanchu kay yanapakuytaqa manam necesitanichu nispa?