Israel runakunaqa kusikuywanmi tukuyta ruwarqaku Diospa templonta hatarichinankupaq (1Cr 29:2-9; 2Cr 6:7, 8). Ichaqa chay wasita sumaq allichasqata hatalliyninkum iñiyninkupi imayna kasqankuta qawachirqa (2Re 22:3-6; 2Cr 28:24; 29:3). Chaynam kunanpas tukuyta ruwachkanchik huñunakuna wasikunata hatarichinapaq hinaspa allichanapaq. Chaykuna ruwaypas Jehova Dios yupaychaymi. Ancha kusikuypaqmi tukuy chaykunata ruwaspa Jehova Dios yanapayqa ¿aw? (Sl 127:1; Ap 7:15).

• Huñunakuykuna tukuytam sumaq allichasqata Diospa wasinta saqinanchik. Chaypaqmi tiyananchik lawllatapas ama qachataqa saqinanchikchu.

• Ancha allinmi Diospa wasinta pichanapaq tupawaptinchik yanapakuyqa. Llapallanchik yanapakuspaqa chayllam tukurusun (lv pag. 92 § 18).

• Qullqinchikwanpas yanapakuchwanmi. Jehova Diosqa kusikunmi imayrikuqllatapas sunqumanta quptinchikqa, iskay taksa qullqichakunalla kaptinpas (Mr 12:41-44).

• Atispaqa yanapakuchwanmi Diosta yupaychanapaq huñunakuna wasikunata hatarichiypi utaq allichaypipas. Chaypaqqa manam yachaqraqchu kanayki.