Jehova Diospa quwasqanchik kawsakuyninchikqa ancha chaninniyuqmi. Chaninchasqanchiktam qawachinchik imayna kawsakusqanchikwan. Chaymi testigokunaqa kallpanchakunchik imapas ruway yachasqanchikwan Jehova Diosta hatunchanapaq (Sl 36:9; Ap 4:11). Ichaqa, sasachakuykuna pasawasqanchikraykum qunqaruchwan Jehova Diospaq imapas ruwaytaqa (Mr 4:18, 19). Chaymi lliw tapukunanchik: “¿Kallpanchakuchkanichu yachasqaykunawan Jehova Diosta hatunchanaypaq? (Os 14:2). ¿Diosman astawan asuykunaytachu harkawachkan llamkayniy utaq estudiasqay? ¿Diospa llaqtanpi imayna yanapakuytataq munani? ¿Imatam ruwayman astawan Diosta servinaypaq?”, nispa. Sichum musyakunki astawan yanapakuyta atinaykimanta hinaspaqa Diosta mañakuy hinaspa kallpanchakuy. Sapa punchaw Jehova Diosta hatunchaspaqa kusisqam kawsakusunchik (Sl 61:8).

QAWAY RUWAY YACHASQAYKIKUNAWAN JEHOVA DIOSTA HATUNCHAY NIQ VIDEOTA, HINASPA QATIQNINPI TAPUKUYKUNATA KUTICHIY:

• ¿Imanasqataq mana allinchu ruway yachasqanchikkunawan satanaspa munaychakusqan kay pachata serviyqa? (1Jn 2:17).

• ¿Ima bendicionkunatam chaskinku Jehova Diosta ruway yachasqankuwan serviqkunaqa?

• ¿Ima ruwaykunapim ruway yachasqaykikunawan Diospa llaqtanpi yanapakuwaq?