Moiseswan Aaronqa Egiptopi kamachiq manchakunapaq hina kaptinpas mana manchakuspankum paywan rimarqaku, chayna rimariytaqa atirqaku Diospa yanapakuynillanwanmi. Moisesmantam biblia kaynata nin: “Iñiyniyuq kasqanraykum Egipto nacionta kamachiq runapa piñakuynintapas mana manchakuspan Egiptomanta ripukurqa, payqa mana rikuy atina Diosta qawachkanmanpas hinam allinta takyarqa”, nispa (Heb 11:27). Arí, Moiseswan Aaronqa Diospim hapipakurqaku, chaymi mana manchakuspanku rimarirqaku.
¿Imakuna kaptintaq mana manchakuspa Diospi iñisqanchikmanta rimarinanchik kanqa?
