Salmos 19:1-14
Takiqkunata yachachiqpaq. Davidpa takisqan.
19 Hanaq pachapi tukuy ima kaqkunam Diospa atiyninmanta willawanchik.+
Cielopi tukuy ima kaqkunam Diospa ruwasqankunata qawachiwanchik.+
2 Sapa punchawmi hatunchanku.
Sapa tutam yachayniyuq kasqanta qawachinku.
3 Manam imatapas ninchu,manam rimasqanpas uyarikunchu.
4 Chaywanpas qaparisqanmi enteron allpa pachapi uyarikurun,chay willakusqanqa uyarikurun kay allpa pachapa cantonkamaraqmi.+
Diosmi intipa carpanta hanaq pachapi ruwarqa.
5 Intiñataqmi puñunanmanta lluqsimuchkaq novio hinaraq lluqsimun,kallpasapa qari hinaraqmi kusisqallaña lluqsimun.
6 Hanaq pachapa cantonmanta lluqsimuspanmihuknin cantonta kutiykun,+rupayninmantaqa manam imapas pakakuyta atinchu.
7 Jehova Diospa kamachikuyninkunaqa mana pantayniyuqmi,+ pitapas kallpanchaqmi.+
Jehova Diospa yuyarichikuyninkunaqa mana iskayrayanapaqmi,+ mana yachayniyuqmanmi yachayta qun.+
8 Jehova Diospa kamachikuyninkunaqa suma-sumaqmi, pipa sunquntapas kusiykachiqmi.+
Jehova Diospa kamachikuyninkunaqa chuyam, pitapas kusichiqmi.+
9 Jehova Diosta manchakuyqa*+ mayna allinmi, chayqa wiña-wiñaypaqmi.
Jehova Diospa tantiasqankunaqa allinpunim, mana pantayniyuqmi.+
10 Qurimantapas aswan munayraqmi,chuya qurimantapas aswan sumaqraqmi.+
Panalmanta suturimuq mielmantapas aswan miskiraqmi.+
11 Chaykunawanmi yupaychaqnikitaqa rimapayaykullawanki,+pipas kasukuqqa allin kaqtam chaskinqa.+
12 ¿Pitaq yachanman pantarusqanta?+
Mana yachastin pantasqaykunata pampachaykullaway.
13 Hatuntukuspa imatapas ruwarunaymantayá harkaykullaway.+
Chaykuna kanantaqa amayá munaychu.+
Hinaptinqa tukuy sunquywanmi yupaychallasqayki,+hinaspapas pinqakuypaq kaqkunataqa manam ruwallasaqchu.
14 Pakakunay hatun rumi hina Jehova Dioslláy,+ libraykuwaqniy Dioslláy,+rimasqaykunapas chaynataq yuyaymanasqaykunapas munasqaykiman hinayá kachun.+
Willakuykuna
^ Qaway kay palabrapa ima ninan kasqanta.
