Proverbios 22:1-29
-
“Tukuy imayuq kaymantaqa aswan allinqa allin qawasqa kaymi” (1)
-
Imayna kawsakunanpaq warmata yachachiyqa yuyaqyanankama kasqanmanta (6)
-
Qilla runam nin: “¡Hawapiqa leonmi kakuchkan!”, nispa (13)
-
Rimapayaspa azotesqa kay mana allinmanta karunchachikusqanmanta (15)
-
Llamkasqanpi hichu-hichu runa kamachiqkunapaq llamkananmanta (29)
22 Tukuy imayuq kaymantaqa aswan allinqa allin qawasqa kaymi,+quri-qullqiyuq kaymantaqa aswan allinqa kuyachikuymi.
2 Apu kaspapas wakcha kaspapas runaqaJehova Diospa unanchasqallanmi kanchik.+
3 Allin tantiuyuq runaqa sasachakuyta qawarispanmi asurikun,mana yuyayniyuq runam ichaqa mana asurikusqanrayku ñakarin.
4 Pipas Jehova Diosta manchakuspan mana hatuntukuqqa paypa yanapasqanmi kanqa,ancha riqsisqam kanqa, hinaspapas unaymi kawsakunqa.+
5 Mana allinllaña ruwaq runapa ñanninpiqa kichkallaña hinaspa tuqllallañam kachkan,hinalla kawsakuyta munaq runam ichaqa chaykunamanta karunchakun.+
6 Warmataqa imayna kawsakunanpaqyá allinta yachachiy,+yuyaqña kaspanpas yachasqankunataqa manam qunqanqachu.+
7 Wakcha runaqa apu runapa kamachisqanmi,manukuq runaqa manuqninpa serviqninmi.+
8 Mana allin kaqta ruwaqqa sasachakuypim kanqa,+hukkunata ñakarichinanpaq munayniyuq kasqanpas* tukunqam.+
9 Runamasinta llakipayaq runaqawakchakunaman mikuykachisqanraykum yanapasqa kanqa*.+
10 Runamasinmanta asikuq runata qarquruptikiqapiñanakuyqa tukurunqam,tratanakuypas chaynataq kaminakuypas tukurunqam.
11 Allin sunquyuq* runaqa hinaspa kuyakuywan rimaq runaqakamachiqpa kuyasqanmi kanqa.+
12 Jehova Diosqa chiqap kaqtam* imamantapas harkachkan,mana allin ruwaq runapa rimasqantam ichaqa chinkarachin*.+
13 Qilla runaqa ninmi:
“¡Hawapiqa leonmi kakuchkan, plaza chawpipich wañurachiwanqa!”, nispa.+
14 Hukwan-hukwan kakuq warmipa* rimasqanqa ukullay-uku uchku hinam.+
Jehova Diosta piñachiq runaqa chaymanmi wichiykunqa.
15 Mana allinkunata ruwayqa warmakunapa sunqunpim kachkan,+rimapayaspa azotesqam* ichaqa mana allin ruwaymanta karunchakunqa.+
16 Apuyananrayku wakcha runata ñakarichiq runaqa+hinaspa apu runaman ima regalokunatapas quykuq runaqawakchayanqam.
17 Yachayniyuq runakunapa imapas nisusqaykitayá allinta uyariy,+chaynapi imapas yachachisqayta sunquykipi waqaychanaykipaq.+
18 Chaynata sunquykipi waqaychayqa ancha allinmi,+chaynapi hukkunaman chaylla willanaykipaq.+
19 Kunanmi kay yachachikuykunata nichkaykiJehova Diosllapi hapipakunaykipaq.
20 Ñuqaqa sumaqta kawsakunaykipaq yachachispaymikamachikuykunata qillqamurqayki.
21 Qillqamurqaykiqa mana iskayrayaspa imam kaqta yachanaykipaqmi,chaynapi kachamusuqnikiman kutispa imam kaqta willanaykipaq.
22 Amayá wakcha runapataqa wakcha kasqanraykuqa imantapas apakuychu,+amayá mana piyniyuq runataqa juezpa qayllanpiqa* ñakarichiychu.+
23 Paypa rantinpiqa Jehova Diosmi hatarimunqa,+paypa imantapas suwaqkunataqa Diosmi wañuchinqa.
24 Amayá chaylla piñakuq runawanqa hukllawakuychu,amayá piña-piña runawanqa hukllawakuychu,
25 yanqañataq mana allin ruwayninkunata qatipakuspatuqllaman hina sasachakuykunaman wichiykuwaq.+
26 Amayá hukpa manukusqanta paganaykipaqqa garantizaychu,amayá makikita haywarisparaqqa chaytaqa ruwaychu.+
27 Imaykipas paganaykipaq mana kaptinqapuñusqayki camatapas qichusunkim.
28 Amayá ñawpaqmantaraq churasqa linderotaqa suchuchiychu,+chayqa ñawpaq abueloykikunapa churasqanmi.
29 ¿Rikurqankichu llamkasqanpi hichu-hichu runata?
Payqa kamachiqkunapaqmi llamkanqa,+manam mana ancha riqsisqa runakunapaqchu.
Willakuykuna
^ Hebreo rimaypiqa nichkan: “Piñakunan tawnapas”, nispam.
^ Utaq: “Qukuykuq kasqanraykum Diospa bendecisqan kanqa”.
^ Utaq: “Chuya sunquyuq kananpaq kallpanchakuq”.
^ Hebreo rimaypiqa nichkan: “Yachaytam”, nispam.
^ Utaq: “Tikraykun”, “yanqacharun”.
^ Kaypiqa yaqachusmi rimachkan Diospa kamachisqanta mana kasukuq warmimanta.
^ Hebreo rimaypiqa nichkan: “Allinta uywanapaq kaspiwanmi”, nispam.
^ Utaq: “Llaqtapa punkunpiqa”.
