Proverbios 21:1-31
-
Kamachiqpa imapas tantiasqankunaqa Jehova Diospa munasqanman hina kasqanmanta (1)
-
Imapas quymantaqa allin kaqta ruway Diosta astawan kusichisqanmanta (3)
-
Llamkakuq kayqa runapa allinninpaq kasqanmanta (5)
-
Wakchakunapa qayakusqanta mana uyariykuqqa mana uyarisqa kananmanta (13)
-
Jehova Diospa contranpi ima yachachikuypas yanqalla kasqanmanta (30)
21 Kamachiqpa imapas tantiasqankunaqa yarqanta riq yaku hinam Jehova Diospa makinpiqa,+payqa munasqanmanmi maymanpas pusan.+
2 Runapaqqa tukuy ima ruwasqanmi allin rikchakapun,+Jehova Diosmi ichaqa sunqunpi ima kasqanta qawachkan*.+
3 Imapas quymantaqa kasukuymi hinaspa allin kaqta ruwaymiJehova Diospa sunquntaqa astawan kusichin.+
4 Mana allin ruwaqkunapaqqa achkinku hinam hatuntukuq kasqankuqa chaynataq yachaysapatukusqankuqa,chayna kasqankuqa hucham.+
5 Llamkakuq runapa imapas tantiasqanqa allinpunim kanqa,+mana tantiaspa chaylla imatapas ruwaqmi ichaqa wakchayaypi kanqa.+
6 Llullakuspa quri-qullqita huñukuyqa chinkaruq puyu hinallam,chayqa wañuyllamanmi apakun*.+
7 Piña runamanqa ruwasqanman hinam imapas chayamunqa,+chaynaqa kanqa allin kaqman hina ruwayta mana munasqanraykum.
8 Huchallikuq runapa imayna kawsakusqanqa qiwi-qiwi ñan hinam,allin kaqta ruwaq runapa imayna kawsakusqanmi ichaqa allin ñan hina.+
9 Wasipa altusnin kuchuchapi yachayraqmi* aswan allinqapiñanakuyllataña maskaq warmiwan* kuska yachaymantaqa.+
10 Mana allin ruwaq runaqa mana allin ruwaytam ancha-anchata munan,+manam runamasintaqa imaniraqllatapas llakipayanchu.+
11 Burlakuq runata azoteptikiqa mana yachayniyuq runapas aswan yachayniyuqmi kanqa,yachayniyuq runata rimapayaptikiqa yachaywanmi imatapas allinta ruwanqa*.+
12 Allin ruwaq Diosqa qawamuchkan mana allin ruwaqpa ayllun ima ruwasqantam,mana allin ruwaqtaqa sasachakuymanmi kachaykun.+
13 Wakchakunapa qayakusqanta mana uyariy munaq runataqayanapaykunankupaq qayakuptinqa paytapas manam pipas uyarinqachu.+
14 Pakallapi ima regalopas quyqa piñasqa runapa sunquntam tiyaykachin,+pakallapi imapas quyqa llumpay piñakuq runatam hawkayachin.
15 Allin kaqta ruwasqanwanmi allin ruwaq runaqa kusikun,+mana allin ruwaq runapaqmi ichaqa allin kaqta ruwayqa llumpay mana allin.
16 Yuyayniyuq kananpaq manaña kallpanchakuq runaqawañuqkunawan kuskam kanqa.+
17 Kusirikuykunallapiña puriq* runaqa wakchayanqam,+vino tomayllamanña qukuruqqa hinaspa aceite* maskayllamanña qukuruqqa manam apuyanqachu.
18 Mana allin ruwaq runaqa allin ruwaq runapa rantinpim chinkachisqa kanqa,iskay uya runaqa allin ruwaq runapa rantinpim chinkachisqa kanqa.+
19 Chunniqpi yachayraqmi aswan allinqakutipakuqllaña warmiwan* hinaspa chaylla piñakuq warmiwan yachaymantaqa.+
20 Yachayniyuq runapa wasinpiqa kachkanmi aceitepas chaynataq tukuy imapas,+mana yachayniyuq runam ichaqa ima kapuqnintapas yanqakunapi tukun.+
21 Allin kaqta ruwananpaq hinaspa imaña kaptinpas hinalla kuyakuq kananpaq anchata kallpanchakuq runaqahinallam kawsakunqa, allin ruwaqmi kanqa, hinaspapas riqsisqam kanqa.+
22 Allin yachayniyuq runaqa kallpasapa runakunapa sasa yaykuna llaqtanmanpas yaykunmanmi,payqa harkaqnin hatun pirqankunatapas tuñirachinmanmi.+
23 Rimarinanpaq allinta tantiaq runaqamanam ima sasachakuypipas kanqachu.+
24 Llumpay qaritukuq runatam ninku:
“Wak runaqa hatuntukuqmi, mana pinqakuq qara uyam”, nispa.+
25 Qilla runataqa imapas munapayasqanmi wañuchinqamana llamkakuyta munasqanrayku.+
26 Qilla runaqa tukuylla punchawmi kikillanpaq aswan-aswan munan,allin ruwaq runam ichaqa imallantapas qukuykun.+
27 Mana allin ruwaq runapa Diosman imapas qusqanqa millakuypaqmi,+ichaqa aswan millakuypaqraqmi mana allin kaqta munaspan quptinqa*.
28 Rikusqanmanta imam kaqta mana willakuq runaqa chinkachisqam kanqa,+sumaqta uyarispan imam kaqta willakuq runam ichaqa allin kanqa*.
29 Mana allin ruwaq runaqa mana pinqakuq qara uyam,+allin ruwaq runam ichaqa imaña kaptinpas hawka kawsakun*.+
30 Jehova Diospa contranpi kaq ima yachachikuypas llullam, payta qipanchaspa yachaqtukuspa imatapas niyqa hinaspa pitapas rimapayayqa yanqapaqmi.+
31 Peleaq rinapaq caballokuna yachachisqaña kaptinpas+Jehova Diospa yanapakuyllanwanmi pipas salvasqaqa kanqa.+
Willakuykuna
^ Utaq: “Imarayku imapas ruwasqanta qawachkan”.
^ Ichapas kanman: “Wañuyninta maskaspam pipas chaytaqa ruwan”, niqpas.
^ Utaq: “Mana allinkuna rimaq warmiwan”, “añañanka warmiwan”.
^ Utaq: “Tiyayraqmi”.
^ Utaq: “Yachanñam ima ruwayta”.
^ Utaq: “Kusirikuykunallataña kuyaq”.
^ Kaytaqa servichikuqku yanukunankupaqwan kikinkupas hinakunankupaqmi.
^ Utaq: “Piñanakuyllataña maskaq warmiwan”, “añañanka warmiwan”.
^ Utaq: “Mana allinkunata ruwachkaspan quptinqa”.
^ Hebreo rimaypiqa nichkan: “Uyariq runaqa wiñaypaqmi rimanqa”, nispam.
^ Utaq: “Hawka kawsakunanpaq imatapas ruwan”.
