Job 34:1-37
34 Eliuqa nirqataqmi:
2 “Yachaysapa taytaykuna, rimasqaytayá uyariykullawaychik.
Allin yachayniyuq taytaykuna, nisqaytayá uyariykullawaychik.
3 Mikuytaqa malliykuspam yachanchik miski kasqanta,chaynam pipa rimasqantapas uyariykuspa yachanchik allin kasqanta utaq mana allin kasqanta.
4 Chaynaqa allintayá tantiaykusun mayqin allin kasqanta,kikinchikpurayá yachaykusun imam allin kasqanta.
5 Jobqa nirqam: ‘Ñuqaqa imam kaqtam nichkani,+Diosmi ichaqa mana chayna kasqanpaqchu hapin.+
6 ¿Llullakuychu kanman allin ruwayman hina juzgasqa kayta munasqay?
Mana huchayuq kachkaptiypas kay heridayqa mana hampiy atinam’, nispa.+
7 ¿Kanmanchu pipas Job hina?
Payqa yakuta tomachkaq hinam asipayasqankuta uyarichkan.
8 Payqa mana allin ruwaqkunawanmi kachkan,payqa chayna runakunawanmi hukllawakun.+
9 Jobqa nirqataqmi: ‘Runaqa manamimatapas tarinchu Diosta kasukuspanqa’, nispa.+
10 Chaynaqa uyariykuwaychikyá yuyayniyuq taytaykuna.
¡Diosqa manapunimá mana allintaqa pipaqpas ruwanmanchu,+tukuy atiyniyuq Diosqa manapunimá mana allintaqa ruwanmanchu!+
11 Diosqa runamanqa imam ruwasqanman hinam imatapas qunqa,+payqa manam harkanqachu imayna kawsasqanman hina imapas pasanantaqa.
12 Diosqa manapunim ima mana allintapas ruwanmanchu,+tukuy atiyniyuq Diosqa manapunim allin ruwaytaqa yanqachanmanchu.+
13 ¿Pitaq kay allpa pachata makinpi churaykurqa?
¿Pitaq kay allpa pachamanta nanachikunanpaq churaykurqa?
14 Sichu runamanta atiynintahinaspa samayninta Dios qichuruptinqa+
15 llapallan runakunach wañurunman,llapallan runakunach allpaman kutiykunman.+
16 Chaynaqa, yachayniyuq kaspaykiqa rimasqaykunatayá uyariykuy,nisqaykunatayá sumaqta uyariykuy.
17 ¿Yaqachu pipas kamachiq kanman allin ruwayta chiqnichkaspan?
¿Yaqachu ancha atiyniyuq allin ruwaqta yanqamanta imatapas niwaq?
18 ¿Yaqachu kamachiq runata niwaq: ‘Mana imapaqpas valeqmi kanki’, nispa?
¿Yaqachu allin ruwaq runata niwaq: ‘Mana allin ruwaqmi kanki’, nispa?+
19 Diosqa manam sayapakunchu riqsisqa runakunamanqa,Diosqa manam wakchata despreciaspanchu apumanñataq sayapakun.+
Llapankumriki paypa unanchasqallan kanku.+
20 Runaqa qunqayllamantam tutan+ wañurunman,+llumpayta katkatataspanmi wañurunman,riqsisqa kachkaspapas wañurunmanmi, ichaqa manam runa wañuchiptinchu.+
21 Diosqa runapa tukuy ima ruwasqantam qawamuchkan,+payqa tukuy ima ruwasqantapas rikumuchkanmi.
22 Mana allin ruwaq runaqa maynaña tutayaypipasDiosmantaqa manam pakakuyta atinmanchu.+
23 Diosqa manam pi runapaqpas punchawtaqa akllanchuallin utaq mana allin ruwasqanmanta ninanpaqqa.
24 Diosqa manam tapukachakunchu riqsisqa runata pinqayman churaspahuktaña paypa rantinpi churananpaqqa.+
25 Payqa yachanmi imakuna ruwasqankutapas,+payqa tutallan saruparuspanmi pinqayman churan.+
26 Mana allin ruwaq kasqankuraykumlliwpa rikusqanta ñakarichin,+
27 paymanta karunchakurusqankurayku+hinaspa kamachikuyninkunata mana kaqpaqpas hapisqankuraykum chayta ruwan.+
28 Chayna runakunapa huchanpim wakchakuna qapariyllawanña Diosta mañakunku yanapaykunanpaq,hinaptinmi Diosqa mana piyniyuqkunapa qayakusqanta uyariykun.+
29 Dios upallalla kaptinqa, ¿pitaq imatapas ninman?
Dios pakakuptinqa, ¿pitaq rikuyta atinman?
Chullalla runamanta utaq achka runamanta pakakuptinpas chaynallam kanqa.
30 Diosta qipanchaq runaqa manam llaqtapi kamachiqqa kanmanchu+nitaq llaqtapi runakunatapas pantachinmanchu.
31 ¿Yaqachu pipas Diosta ninman:
‘Allin kaqkunata ruwachkaspaypas ñakarichkanim,+
32 qawaykachiwayá mana allin ruwasqayta,mana allinta ruwaruspayqa wanakusaqñam’, nispa?
33 ¿Munasqayki qusunaykitaraqchu suyachkanki allin kaqkunata mana ruwachkaspaykipas?
Chaytaqa qanmi akllakunayki, manam ñuqachu.
Chaynaqa willawayá imam allin yachasqaykimanta.
34 Yachayniyuq hinaspa yuyayniyuq runakunacháuyariwaspa niwanqa:
35 ‘Jobqa yanqakunatam riman,+payqa mana yuyaywanmi imatapas riman’, nispa.
36 ¡Job imayna kasqanta yachanapaqyá astawan ñakarichun,payqariki mana allin runa hinam rimachkan!
37 Huchallikuruspanpas mana kasukuqmi payqa rikurirun.+
Qayllanchikpim taqllakuspanraqasikuspa aswan-aswan Diosman tumpachkan”, nispa.+
