Job 24:1-25
24 Jobqa nirqataqmi: “¿Imanasqataq tukuy atiyniyuq Diosqa mana tantianchu ima punchaw piñakuynin kanantaqa?+
Payta riqsiqkunapas, ¿imanasqataq chay punchawtaqa mana rikunkuchu?
2 Mana allin runakunaqa linderokunatapas suchuchinkum,+animalkunatapas suwakuspankum animalninkuman hukllawanku.
3 Mana taytayuqkunapa asnontam qatikunku,imatapas manusqankuraykum viudapa torontapas qatikunku.+
4 Paykunaqa wakchakunatam ñanmanta qarqunku,wakchakunañataqmi paykunamanta pakakunku.+
5 Wakchakunaqa purun asnokuna+ hinam mikunankuta maskallanku,churi-wawankupaqmi mikunankuta chunniqpi maskallanku.
6 Paykunaqa hukpa chakranpim pallapakunku,paykunaqa mana allin ruwaq runakunapa uvas chakranpim maskapakunku.
7 Mana ima qatayuqmi tukuy tuta puñullanku,+manam imallankupas kanchu chirimuptin wankikuykunallankupaqpas.
8 Urqunkunata hamuq parapas paykunataqa pasaypaqtam nuyurun,paykunaqa machaykunallapim llantukunkupas.
9 Mana allin ruwaqkunaqa viudakunapa ñuñuq wawankutam qichunku,+imatapas manusqankuraykum wakchakunapa pachanta hapikuykunku.+
10 Wakchakunaqa mana pachayuqmi purillanku,paykunaqa yarqaymanta kastinpas gamillakunatam qipillanku.
11 Llumpay rupaypim paykunaqa chakrapi* llamkanku*,uvasta pozopi saruchkaspankupas yakunayasqallañam llamkanku.+
12 Wañunayaqkunam llaqtapi waqallanku,wañuy patanpi kaqkunam pipas yanapaykunanpaq qaparisparaq qayakullanku,+Diosmi ichaqa mana imatapas ruwanchu*.
13 Wakin runakunaqa achkitam mana munankuchu,+paykunaqa achkipa ñanninmantaqa manam yachayta munankuchu,manataqmi chay ñannintaqa puriyta munankuchu.
14 Runa wañuchiqqa tutapaytam hatarin,mana piyniyuq wakcha runatam wañuchin,+tutankunañataqmi suwakuyllapiña purin.
15 Hukwan pierdekuq* runaqa tutaykunantam suyan,+payqa uyanta tapakuykuspanmi nin:
‘Manam pipas rikuwanqachu’, nispa.+
16 Chayna runakunaqa tutanmi wasikunaman yaykunku,punchawñataqmi wasillankupi kanku.
Paykunaqa pinqakunkum achkipi kaytaqa.+
17 Llumpay tutayaymi paykunapaqqa punchaw hina,paykunaqa manchakuypaq llumpay tutayayman amañasqam kanku.
18 Chaywanpas yakupa chaylla apasqanmi kanku.
Allpankupas ñakasqam kanqa.+
Manañam uvas chakrankumanpas kutinqakuchu.
19 Imaynam usyay kaptin hinaspa llumpay rupay kaptin ritipas chullun,chaynapunim huchallikuq runakunapas wañuqkunapa kasqanman* uraykunku.+
20 Mamankupas paykunataqa qunqanqam, urukunallañam miskita mikunqa.
Manam haykapipas yuyarisqachu kanqaku.+
Mana allin ruwaqkunaqa sacha hinam kuchusqa kanqaku.
21 Qulluq warmitawan viudatampaykunaqa ñakarichinku.
22 Diosmi ichaqa riqsisqa runakunata atiyninwan chinkarachinqa,paykunaqa pampamanta hatarispapas manam yachakunkuchu hinalla kawsanankutaqa.
23 Dios munaptillanmi allinraq hinaspa hawkaraq kachkanku,+chaywanpas Diosqa tukuy ima ruwasqankutam qawamuchkan.+
24 Riqsisqa kayninkupas manam unaypaqchu, wañuy chayaptinmi chaylla tukurunku.+
Wakinkuna hinam pinqayman churasqa kanku,+paykunaqa rutusqa trigo* hinam tukurunku.
25 Mana chayna kaptinqa, ¿pitaq niwanman llulla kasqayta?
¿Pitaq niwanman rimasqaykunaqa yanqa kasqanta?”, nispa.
Willakuykuna
^ Utaq: “Andenpi”.
^ Ichapas kanman: “Aceiteta hurqunku”, niqpas.
^ Ichapas kanman: “Diosqa manam pimanpas chaymantaqa tumpanchu”, niqpas.
^ Utaq: “Waqllikuq”.
^ Hebreo rimaypiqa nichkan: “Seolman”, nispam. Qaway kay palabrapa ima ninan kasqanta.
^ Utaq: “Cebada”.
