Job 19:1-29
19 Jobñataqmi nirqa:
2 “¿Haykapikamataq qamkunaqa ñakarichiwankichik?+
¿Haykapikamataq nanay simikichikwan rimapayawankichik?+
3 Chunka kutikamañam tukuyta niruwankichik,¿manachu pinqakunkichik qaqchawasqaykichikmanta?+
4 Chiqaptaña pantaruspaypasñuqachiki ñakarisaq.
5 Hatuntukuspa contraypi rimaptikichikpashuchayrayku ñakarisqayta niwaptikichikpas
6 ñakarichkaniqa Dios ñakarichiwasqanraykum,tuqllanman pay wichiykachiwasqanraykum.
7 “¡Wañuchillawachkankum!” nispa qapariptiymi mana pipas uyariwanchu.+
“¡Yanapaykuwaychik!” niptiypas manam pipas yanapawanchu.+
8 Diosmi mana purinaypaq ñanniyta rumi pirqawan harkarachin,paymi ñanniyta tutayarachin.+
9 Riqsisqa kasqaymantam wischuruwan,payqa umaymantam coronayta hurquruwan.
10 Kaylawmanta-waklawmantam wañunaykama ñakarichiwachkan,sapinmanta sachata chutachkaq hinam imapas ruway munasqayta chinkarachin.
11 Ñuqapaqmi llumpa-llumpayta piñakuchkan,pasaypaq chiqnisqan runañam rikuriruni.+
12 Tropantin runankunam ñuqaman hamuspa muyuriruwan,paykunaqa carpaypa muyuriqninpim kachkanku.
13 Diosqa aylluykunatapas ñuqamantam karuncharun,riqsiwaqniykunapas ñuqamantam karunchakurunku.+
14 Ancha kuyasqay runakunam saqiruwan,allin riqsisqay runakunam qunqaruwan.+
15 Wasiypi samakuqkunapas+ hinaspa wasiypi llamkaq warmikunapas manañam riqsiwanchu,paykunapaqqa mana riqsisqanku runañam rikuriruni.
16 Serviwaqniy runata qayaptiypas manam imatapas nimuwanchu,pitukuykuspa qayaptiypas manam kasuwanchu.
17 Warmiypas samayniytam millakurun,+wawqiykunapas asnayniytam millakurun.
18 Warmachakunapas manam respetawanchu,sasallataña hatariptiypas asikuwankum.
19 Kuyasqay runamasiykunam chiqniruwan,+ancha kuyasqay kaqkunam qipancharuwan.+
20 Tullunwan-qarallanñam kallachkani,+wañuy patanmantam lluptillachkani.
21 Taytallaykuna, llakipayariykullawaychikyá.
Dios ñakarichiwasqanraykuyá llakipayariykullawaychik.+
22 ¿Imanasqataq Dios hinamana samaykuspa ñakarichiwachkankichik?+
23 ¡Ima allinchá kanman rimasqaykuna qillqasqa kaptinqa!
¡Ima allinchá kanman nisqaykuna qillqasqa kaptinqa!
24 ¡Ima allinchá kanman rimasqaykuna hatun rumipi fierrowanhinaspa titiwan* qillqasqa kaptinqa!
25 Ñuqaqa manam iskayrayanichu libraqniy kawsasqanmantaqa,+payqa qipa punchawkunata hamuspanmi allin kaqkunata ruwananpaq allpa pachapi sayarinqa*.
26 Aychallay unquypa tukusqan kachkaptinpasmanaraq wañukuchkaspaymi Diosta rikusaq.
27 Kikiypunim rikusaq,manam hukchu qawanqa, kikiypunim ñawiywan rikusaq.+
¡Ichaqa llumpay hukmanyasqam kallachkani!
28 Qamkunam nichkankichik ‘¿imaynatataq ñakarichichwan?’ nispa,+kay sasachakuyta ñuqa rikurichichkaymanpas hina.
29 Espadataqa qamkunam manchakunaykichik,+chayqa mana allin ruwaqkunatam ñakarichin.
Qamkunaqa juez kasqantam yachanaykichik”, nispa.+
Willakuykuna
^ Utaq: “Plomowan”.
^ Hebreo rimaypiqa nichkan: “Hamuspanmi ñutu allpapi sayarinqa”, nispam.
