Esdras 1:1-11
1 Persiata kamachiq Ciro+ huk wata kamachichkaptinmi Jehova Diosqa payta kallpancharqa runankunaman kamachikuyta qunanpaq, chaynapi Jeremiaswan+ Jehova Diospa willachisqanman hina kananpaq. Chay kamachikuy qillqasqanmi+ nirqa:
2 “Persia nacionta kamachiq Cirom nini: ‘Hanaq pachapi kaq Jehova Diosmi llapallan kamachiqkunata quykuwan.+ Paytaqmi niykuwan Juda nacionpa Jerusalen llaqtanpi wasita ruwapunaypaqpas.+
3 Chaynaqa, qamkuna ukupi pipas Diospa runan kaspanqa kutikuchunyá, paymi yanapanqa. Hinaspayá Israelpa yupaychasqan Jehova Diospa wasinta hatarichimuchun. Payllam kawsaq Diosqa.
4 Juda runakuna maypiña yachaptinkupas*+ muyuriqninpi yachaqkunayá yanapachunku. Quchunkutaqyá quritapas, qullqitapas, animalkunatapas chaynataq ima kapuqninkutapas. Quchunkutaqyá Jerusalenpi Diospa wasinpaq ima quy munasqankutapas’”, nispa.+
5 Hinaptinmi Juda ayllukunapawan Benjamin ayllukunapa kamachiqninkuna, sacerdotekuna*, Leviy ayllukuna hinaspa Diospa kallpanchasqan lliw runakuna rinankupaq qipichakurqaku, chaynapi Jerusalen llaqtapi Jehova Diospa wasinta kaqmanta ruwanankupaq.
6 Muyuriqninpi yachaqkunapas qurqakum qurita, qullqita, animalkunata hinaspa allinnin kapuqninkuta. Qurqakutaqmi Diospa wasinpaq imapas quy munasqankuta.
7 Chaymantapas, kamachiq Cirom nirqa Jehova Diospa wasinpi kaq serviciokunata kutichinankupaq. Chaytaqa kamachiq Nabucodonosormi Jerusalenmanta apakurqa hinaspam taytachanpa wasinpi churarqa.+
8 Kamachiq Ciropa kapuqninkunamantam nanachikurqa Mitridates. Paypa qayllanmantam serviciokunata hurquchirqa, hinaspam Juda ayllupa kamachiqnin Sesbazarman*+ qunankupaq hayka kasqanta listarqaku.
9 Chay serviciokunam karqa: Canasta hina qurimanta 30 tazonkuna, canasta hina qullqimanta 1.000 tazonkuna, 29 huk rikchaq tazonkuna,
10 qurimanta 30 taksa tazonkuna, qullqimanta 410 taksa tazonkuna hinaspa 1.000 huk rikchaq serviciokuna.
11 Qurimantawan qullqimanta llapallan serviciokunam karqa 5.400. Tukuy chay serviciokunatam Sesbazar kutichirqa Babiloniamanta Jerusalenman Juda runakuna kutiptinku.+
Willakuykuna
^ Utaq: “Tiyaptinkupas”.
^ Qaway kay palabrapa ima ninan kasqanta.
^ Esdras 2:2 hinaspa Esdras 3:8 nisqanman hinaqa yaqachusmi payqa Zorobabel.
