2 Tesalonicenses 2:1-17
2 Wawqi-panillaykuna, señor Jesucristo+ chayaramuspan kaypi kananmanta* hinaspa paywan huñunakuspa kuska kananchikmanta+ rimaspam ruegakamuykiku.
2 Amayá pantaychikchu “Jehova* Diospa punchawninqa kaypiñam” nispa+ pipapas nisusqaykichikwanqa. Ichapas paykunaqa nisunkichikman “kay willakuyqa Diosmantam” nispanku utaq ñuqayku cartamusqaykuta nispanku willasunkichikman, chayna kaptinpas amayá manchakuychikchu.+
3 Amapuniyá piwanpas engañachikuychikchu, chay punchaw manaraq chayamuchkaptinmi puntata rikurimunqa Diospa contranpi hatariqkuna,+ chaymantapas rikurimunqam llumpay mana allin ruwaq runa*,+ chay runaqa chinkachisqa kananpaq runam.+
4 Payqa pipa contranpipas churakuqmi, hinaspapas kikillanmi astawan hatunchakun “dioswan” sutichakuqkunamantapas hinaspa runakunapa yupaychanan kaqkunamantapas, hinaspapas Diospa wasinpi tiyaykuspanraqmi llapallanpa qayllanpi diostukun.
5 ¿Manachu yuyankichik qamkunawan kachkaspayraq chaykunamanta achka kutita rimapayasqayta?
6 Kunanqa yachankichikmi chay runata pim harkasqanta, chaynapi rikurimunan tiempopiña rikurimunanpaq.
7 Chay pakasqa hina kaq llumpay mana allin runaqa ñam llamkachkanña,+ chaynaqa kanqa harkaqnin chinkarunankamallam.
8 Hinaptinmi chay llumpay mana allin runa rikurimunqa. Paytam señor Jesusqa atiyniyuq rimayninwan wañuchinqa,+ chayaramuspa sutilla kaypi kaspanmi pasaypaqta chinkachinqa.+
9 Chay llumpay mana allin runaqa satanaspa+ kallpanchasqanmi rikurimunqa ancha atiywan, mana haykapipas rikusqanku kaqkunawan, milagrokunawan+
10 hinaspa mana allinwan chaynataq tukuy rikchaq engañowan.+ Chaynaqa kanqa wañunanpaq kaq runakunapaqmi. Paykunam salvakunankupaq chiqap yachachikuyta tukuy sunqunkuwan mana chaskikusqankurayku castigasqa kanqaku.
11 Chayraykum Diosqa paykunata saqirun pantay yachachikuykunata uyarispanku llulla kaqkunata creenankupaq,+
12 chaynapi chiqap kaqta mana creespanku mana allin kaqkunawan kusikusqankurayku llapallanku juzgasqa kanankupaq.
13 Jehova* Diospa kuyakusqan wawqi-panillaykuna, ñuqaykuqa tukuy tiempom qamkunamanta Diosta agradecekuniku. Qamkunataqa qallariymantapacham Diosqa akllasurqankichik+ salvasqa kanaykichikpaq,+ akllasurqankichikqa atiyninwan* chuyanchasuspaykichikmi hinaspa chiqap yachachikuykunata chaskikusqaykichikraykum.
14 Diosmi salvasqa kanaykichikpaq qayasurqankichik ñuqaykupa sumaq willakuyta willasqaykuwan, chaynapi señorninchik Jesucristo hina hatunchasqa kanaykichikpaq.+
15 Chaynaqa wawqi-panillaykuna, allintayá takyaychik,+ hinaspayá tukuy ima yachachisqa kasqaykichikta ama qunqaychikchu,+ yachachisqaqa karqankichik rimasqaykuwanmi utaq ñuqaykupa cartamusqaykuwanmi.
16 Chaymantapas taytanchik Diosqa kuyawanchikmi,+ chaymi anchata kuyawaspanchik* sunqunchikta wiñaypaq tiyaykachin, niwanchiktaqmi suma-sumaq kaqta quwananchikmantapas.+ Chaymi munachkaniku Diosninchikpas hinaspa señorninchik Jesucristopas
17 sunquykichikta tiyaykachinanta hinaspa allinta takyachisunaykichikta, chaynapi tukuy tiempo allin kaqta ruwanaykichikpaq hinaspa rimanaykichikpaq.
Willakuykuna
^ Qaway “chayaramuspa kaypi kasqan” niqpa ima ninan kasqanta.
^ Qaway A5 kaq yachachikuyta.
^ Utaq: “Kamachikuykunata mana kasukuq runa”.
^ Qaway A5 kaq yachachikuyta.
^ Kaypiqa rimachkan mana kuyana kachkaspa kuyasqa kaymantam.
