2 Cronicas 19:1-11
19 Juda nacionta kamachiq Jeosafatqa hawkallam Jerusalenman kutimurqa.+
2 Jehuñataqmi+ tariparqa, payqa musquypi hina* qawaq Hananipa+ churinmi karqa. Jeosafattam Jehu nirqa: “¿Yaqachu allin kanman Jehova Dios chiqniq runakunata kuyay?+ ¿Yaqachu allin kanman mana allin runakunata yanapay?+ Chayraykum Jehova Diosqa qanwan piñasqa kachkan.
3 Chaywanpas Diosqa allinkuna ruwasqaykitam mana qunqanchu.+ Qanmi yupaychananku kullukunata chinkachirqanki, hinaspam tukuy sunquykiwan Diosta maskarqanki”, nispa.+
4 Jeosafatqa hinallam Jerusalen llaqtapi yacharqa*. Payqa munarqam runankuna Jehova Diosman kutirikunankuta, chaymi Beer-seba llaqtamanta qallaykuspa Efrain urqupi+ yachaq runankunaman kaqmanta watukurqa.+
5 Chaymantapas juezkunatam churarqa Juda nacionpa lliw llaqtankunapi.+
6 Hinaspam paykunata nirqa: “Qamkunaqa imapas sasachakuytaqa allichankichik Jehova Dios kamachisuptikichikmi, manam runakuna kamachisuptikichikchu. Chaynaqa allintayá tantiaychik, Diosqa yanapasunkichikmi.+
7 Jehova Diosta manchakuspayá+ imam ruwanaykichikta ruwaychik. Jehova Diosqa manamá munanchu mana allin kaqta ruwanaykichiktaqa,+ manataqmi munanchu imapas qusuqnikichik+ runaman sayapakunaykichiktaqa”, nispa.+
8 Jeosafatqa Jerusalen llaqtapipas churarqam juezkunataqa, chaynapi runakunapa quejanta Jehova Diospa sutinpi allichanankupaq. Paykunam karqa Leviy ayllumanta kaqkuna, sacerdotekuna hinaspa ayllunkupi kamachiqkuna.+
9 Chay juezkunatam Jeosafat kamachirqa: “Jehova Diosta manchakuspam tukuy sunquwan kayta ruwankichik:
10 Sichum llaqtamasikichikkuna quejawan hamusunkichik runa wañuchisqa kasqanmanta+ utaq Diospa kamachikuyninkunatawan tantiasqankunata mana kasukusqankumanta allichanaykichikpaq, hinaptinqa paykunatam yachachinkichik Jehova Diospa chiqnisqanta ama ruwanankupaq, chaynapi qamkunawan chaynataq paykunawanpas Dios mana piñakunanpaq. Chaynata ruwaspaqa mana huchayuqmi kankichik.
11 Ancha riqsisqa sacerdote Amariasmi yanapasunkichik Jehova Diospa munayninmanta yachanaykichikpaq.+ Ismaelpa churin Zebadiasñataqmi kanqa kamachiqpa yanapaqnin. Zebadiasqa Juda ayllupa kamachiqninmi. Leviy ayllukunañataqmi kanqa yanapasuqnikichik. Qarinchakuspayá llamkaychikña. Jehova Diosyá allin ruwaqkunataqa yanapaykuchun”, nispa.+
