2024 watapipas sasachakuykunaqa kanqachá, chaymi achka runakunaqa llakisqa, preocupasqa tarikunku. Ninkum ‘‘¿Imaynaraq kasun? Sasachakuykunaqa, ñakariykunaqa aswanraqmi yapakunqa’’, nispa. Ichaqa kaykunaqa manapas unaymantam tukunqa. ¿Maypitaq chaykunamanta yachachwan?

 Bibliapiqa willawanchikmi manapas unaymanta ñakarichiwaqninchik kaqkunata Jehova Dios chinkachinanmanta. Willawanchiktaqmi imaynata pisi tiempollamanta allichananmantapas. Bibliapim niwanchik: “Diosmi llapa runakunapa wiqinta pichanqa, manañam kanqachu wañuypas, llakikuypas, waqaypas nitaq nanaypas” nispa. (Apocalipsis 21:4).

•   Hamuq tiempopi Jehova Dios imakunata ruwananmanta yachayta munaspaykiqa leeykuy “Hamuq tiempopiqa kusisqañam kawsakusun”, niq yachachikuyta.

 Bibliapi yachachikuykunaqa yanapawanchikmi sasachakuykunawan mana llumpayta hukmanyarunanchikpaq (Romanos 15:13). Yanapawanchiktaqmi wakcha kaypi, ima unquywan unquruptinchik utaq pipas ñakarichiwaptinchik.

•   Videopi qaway wakcha runata bibliapi yachachikuykuna kusisqa kawsakunanpaq imaynata yanapasqanmanta. Qaway Juan Pablo Zermeño: Jehova Diosta riqsisqayraykum kusisqa kawsakuni, niq videota.

•   Chaymantapas bibliapi yachachikuykunaqa sunqunchiktam tiyaykachin pi kuyasqa ayllunchik wañukuptin utaq llumpay llakisqa mana kanapaq. Chaypaqyá leeykuy “¿Puedo encontrar consuelo en la Biblia?”, niq yachachikuyta.

•   Videopi qawaykuy ejercitomanta lluqsiq warmi mana rumi sunqu kananpaq biblia imaynata yanapasqanmanta. Qaway “Cambié las armas por la Biblia”, niq videota.

 ¿Munawaqchu 2024 watapi imaña kaptinpas aylluykikunawan kuska kusisqa kawsakuyta? Bibliapi yachachikuykunaqa yanapasunkim. Chaypaqqa ¿Imaynatam wiñaypaq kusisqa kawsakuchwan? niq qillqawanmi Jehova Diospa testigonkunawan estudiawaq. Diosmi munachkan ‘hawkayaypi kananchikta, mana sasachakuypi kananchiktachu’ (Jeremías 29:11).