Sapa watam Jehova Diospa testigonkuna chaynataq Diosmanta yachay munaq runakuna huñunakuniku señor Jesucristopa wañukusqanta yuyarinaykupaq, chaytaqa ruwaniku Jesuspa kamachisqanman hinam (Lucas 22:19). Chay huñunakuypim yachasunchik señorninchik Jesucristo runakunarayku vidanta qusqanmanta, chaywanqa ancha agradecesqam kanchik. Ñuqanchikrayku wañukusqanqa yanapawanchikmi kunan tiempo kawsayninchikpi hinaspa hamuq tiempopipas (Juan 3:16).

 Yaqapaschá chay huñunakuyman riytaqa mana atirqankichu, chayna kaptinpas, ¿imatam ruwawaq Jesuspa wañukusqan allinnikipaq kasqanta yachanaykipaq? Jesusmi niwarqanchik kay iskay kaqkunata ruwananchikpaq:

1.  1. Diosmanta hinaspa Jesusmanta yachay. Kay allpa pachapi Jesus kachkaspanmi taytanta kaynata mañakurqa: ”‏Wiñaypaqqa kawsanqaku sapallan chiqap Dios kasqaykita riqsiqkunam chaynataq kachamusqayki Jesucristota riqsiqkunam”‏, nispa (Juan 17:3).

2.  2. Bibliapi yachasqaykiman hina kawsakuy. Jesusmi sapa kuti niwarqanchik yachasqanchikman hina kawsakunapaq. Huk kutipim Jesus urqupa waqtanpi yachachichkaspan, ‘nisqankunata kasukuq’ runakunata alabarqa (Lucas 6:46-48). Hinaspapas kaynata nispanraqmi kasukuqnin runakunata nirqa: ”‏Kaykunata yachaspaykichik hinaspa chayman hina kawsaspaykichikqa kusisqam kankichik”‏, nispa (Juan 13:17).

 ¿Munawachu Diosmanta hinaspa Jesusmanta astawan yachayta? ¿Imakunatam ruwawaq yachasqaykikunata kasukunaykipaq? Kaykunam yanapasunkiman:

 Achka runakunam mana qullqillawan bibliamanta ñuqaykuwan yachachkanku, chayqa yanapachkanmi yachasqankuman hina kawsakunankupaq.

•   Imayna yachachisqaykumanta astawan yachayta munaspaykiqa yaykuy internetpi “Jehova Diospa testigonwan bibliamanta yachanaykipaq” niqman.

•   “Bibliata estudiayninchikqa allinninchikpaqmi”, niq videota qaway. Chayta qawaspaykim yachanki imaynata yachachisqaykumanta.

 Jehova Diospa testigonkunaqa iskay kutitam sapa semana huñunakuninku. Chay huñunakuypim bibliata estudianiku, hinaspa kallpanchakuniku yachasqaykuman hina kawsakunaykupaq.

 Chay huñunakuykunamanqa lliw runakunam rinmanku, chaypaqa manam testigoraqchu kanayki. Chay huñunakuytaqa uyariwaqmi huñunakunayku wasiman rispayki, mana riyta atispaykiñataqmi videontakama utaq celularnintakama uyariwaq.

•   Chay huñunakuyniyku imayna kasqanta yachanaykipaq qaway “¿Imaynataq huñunakuyniykuqa?” niq videota.

•   Yachasqayki lawpi testigokuna maypi huñunakusqankuta yachayta munaspaykiqa yaykuy internetpi “Jehova Diospa testigonkunapa huñunakuyniykuman hamuy”, niqman.

 Chaypim tarinki achka yachachikuykunata hinaspa achka videokunata Jesusmanta astawan yachanaykipaq. Yachankitaqmi Señor Jesucritopa wañukusqan imaynata sapakamata yanapawasqanchikmantapas.

 Kaypi piensariy: ¿Imaynanpitaq achkallay-achka runakuna salvakunmanku Jesuspa wañukusqanwan? Chaymanta yachanaykipaqqa leeykuwaqmi ”‏¿Imaynatataq Jesusqa salvawanchik?”‏ hinaspa ”‏¿Imanasqataq Jesusqa ñakarirqa hinaspa wañurqa?”‏ niq yachachikuykunata. Hinaspapas qawawaqtaqmi kay videota: “¿Imanasqataq Jesusqa wañukurqa?”, niqta.