Arí, demoniokunaqa ‘huchallikuq angelkunam’ kanku, Diospa contranpi hatariq angelkuna (2 Pedro 2:4). Diospa contranpi hatariq punta kaq angelqa satanas diablom karqa. Bibliapim sutichan “demoniokunata kamachiq” nispan (Mateo 12:24, 26).

Noeypa tiemponpi mana kasukuq angelkuna

 Noeypa tiemponpi manaraq sinchi para kachkaptinmi, achka angelkuna Diospa contranpi hatarirurqaku. Bibliam nin: ‘Runakunapa warmi churinkuna buenamoza kasqanta qawaykuspankum llapallanmanta akllaspa casararqaku’, nispa (Genesis 6:2). Chay angelkunaqa “qallariypi imam ruwanankuta mana chaninchaspankum yachananku sitiota saqirurqaku” hanaq pachapi hinaspam runayarurqaku kay pachapi warmikunawan puñunankupaq (Judas 6).

 Sinchi para chayaramuptinmi, chay mana kasukuq angelkunaqa hanaq pachaman kutikurqaku. Ichaqa, Diosqa manam chaskirqañachu. Chayraykum, chay angelkunaqa manaña runayayta kaqmantaqa atirqañachu (Efesios 6:11, 12).