24 de mayo de 2022 huatai, shu shinzhi llaqui pasaca Uvalde llactai (Texas, Estados Unidos). The New York Times nishca perodicoi nin “shu runa illapasha 19 huahuaunara, ishqui yachachijcunara huanchica Robb nishca escuelai”.

 Casna shinzhi llaquiuna caran cuti tucunun. USA Today nishca periódico nica Estados Unidos llactai “pasaj huatai 249 illapasha huanchinauna tiaca 1970 huatamanda mas yali aca”.

 ¿Imarasha cai shinzhi llaquiuna pasanun? ¿Imasnara illapasha huanchinaunamanda llaquiunara vinsina ushanchi? ¿Maican huras macanunauna tucuringachu? Biblia cai tapuigunara cutipan.

•   Biblia ñucanchi timpuunamanda rimasha nin ’puchucai tumpuuna’ ashcara, cai timpui runauna “llaquina illajcuna” shinallara “milliuna” anunga, yapa milli, yapa llaquichij ruraigunara ruranunga. Casna tunu runauna “mas manalii rinaunga” (2 Timoteo 3:1-5, 13). Caimanda mas yachangaj, “¿Predijo la Biblia cómo sería la gente en nuestros días?” nishca temara leangui.

 Ashca runauna tapurinun: ’¿Imarasha Yaya Dios cai shinzhi llaquiuna tianuchu saquin?’ Cai tapuimanda Biblia cutipashcara yachangaj, “¿Por qué le pasan cosas malas a la gente buena?” nishca temara leangui.

•   “Ñaupa huras Quillcashcauna ñucanchira yachachingaj quillcanaushca aca, [...] Quillcashcauna cariyachishcamandas, ali chapanara charingaj” (Romanos 15:4).

 Bibliamanda camachishcauna cai milli mundura vinsingaj yanapana ushan. Mas yachangaj, ¡Despertad! nishca revistai “¿Acabará algún día la violencia?” nishca temara leangui.

 Maican huras huahuauna cai shinzhi noticiagunara ricusha manzharinun. Yayauna paiguna huahuaunara mana yapa llaquiringaj yanapanuchu ali iyaigunara charingaj, “El efecto de las noticias en los niños” nishca temara leangui.

•   “Llaquichinamanda, macanunamandas paigunara quishpichingami” (Salmo 72:14).

•   “Paihua isparauna tarbana saulima tigrachinunga, shinallara lanzaguna sisara pitij tijera cuinta. Mana macanununga shuj llacta shuj llactahua, mana mas yachanungachu guerrara ruranara” (Miqueas 4:3).

 Yaya Dios runauna mana rurana ushashcara ruranga. Paihua ahua pacha Gobierno tucui tunu illapanaunara, macanunaunaras tucuchinga. Diospa Gobierno ima rurangaraushcara yachangaj, “El Reino de Dios traerá ‘paz en abundancia’” nishca temara leangui.