¿Imasnara an Bibliara can leana? ¿Gustu leana o quillanayachin? Can ima rangaj leana yachana yanapangami. Can leana mas gustu achu mas yanapaigunara ricushun.

Sirtu shimi intindinalla shimi charij Bibliara ajllangui. Shinzhi mana intindinalla shimi charij Bibliara leasha mana gustu leangaraunguichu. Chiraigu intindinalla shimi charij Bibliara mascai camba shunguma pactachu. Shinallara sirtu shimi charij quirihuajllas sirtu shimiras charina an. a

Mushuj tecnología utilizai. Cuna punzhaunai Bibliara leana ushanchi libroi internetpi. Shinallara Bibliara internetmanda descargana ushangui telefonoi tabletai computadoraibi leangahua. Huaquin Bibliaguna tianmi chi versiculollaira shuj Bibliaguna rimashcara yachangaj shinallara shuj Bibliai rimashca versiculoguna chi temamandallara rimaushcara yachangaj. Maicambi Bibliara mana leanara gustasha shu audio grabashcara uyana ushangui. Maicanguna gustarinun tarbanama riusha autui uyangahua shinallara llachapara tacsausha ima tunuras rurausha. ¿Ima tunuira canga mas gustangui Bibliamanda yachangaj? Can munashcasna yachai.

Mas yachai. Libroguna tianmi mas Bibliamanda yachasha catingaj. Tianmi mapaguna ima cuintashcauna yachangahua ima tunu ñaupa timpu pasashcaunara lugargunara yachangaj. Huaquin temaguna tianmi cai revista Atalayai shinallara “Bibliamanda yachachishcauna” partii internetpi jw.org nishcai, caiguna canda alira intindichina ushanun Bibliamanda versiculogunara.

Can leanara tunura turcai. Pundamanda tucuringagama leangaj shinzhi ricurijpi can munashca partimanda callari. Bibliai tiaj runaunamanda leangaj callarina ushangui “ Bibliamanda mas yachai Bibliai tiaj cuintashca runaunamanda ricsisha” nishca recuadrora ricui. Shinallara caran tema caran timpui ima tucushcaras leana ushangui. Casna tunu ruranara camai.