Ricuchina can ima ashcara, mana camba shutilla ricurina camba ruraiguna camba iyaiguna camba quirishcauna caimi an ahuai ricurina ucuma ricurina.

Can yachasha pita angui camba quiquin iyaigunara catingui, mana saquingui shuj maltauna canda mandanuchu.

“Ashca runauna shuj muñeco cuinta mandashca anun, mana paigunallara iyarinun ima churarinara” (Adrian).

“Ñuca yachashcani alira difindingaj mana ruraihua ajllaira. Yachani pigunara anun ñuca ali amigoguna paiguna imasna ashcara yachashcamanda, paigunahua asha imasnara ani” (Courtney).

BIBLIAMANDA IYAI: “Cai mundu causana samira ama catirichichu. Randi turcarichi, canguna iyaira mushujyachishcamanda” (Romanos 12:​2).

Cuna pita angui huasha pi tucuna munangui yachangaj, alira ruranamanda manalira ruranamanda can quirinamanda iyari. Cuna callari cai tapuigunara rurasha.

Alira ruranauna: “¿Ima tunu ruraiguna rurana ushani? ¿Ima cosasgunara mas alira rurana ushani? ¿Ñuca munaigunara shayachina ushanichu? ¿Tarbaj runa, cuyaj, tucui huras puntualchu ani? ¿Imara ñuca alira rurani?”.

CASNA RURAI: Can imara alira rurangui yachangaj munachu yanapaira mañangui camba yayaunara, camba ali amigora.

BIBLIAMANDA IYAI: “Shinajpi, caran duiñu pai quiquin rashcara ricuchu, pai quiquin rashcamanda alabai tucungaj, astaun mana shujpajmanda” (Gálatas 6:​4).

Manali ruranauna: “¿Ñuca causaibi imara mas alira rurana ani? ¿Ima hurasta manalira rurana iyaira charini? ¿Ima pasashcai ñuca munaigunara shayachina ani?”.

BIBLIAMANDA IYAI: “Ñucanchi, ‘Ucha illaj anchi,’ nisha, ñucanchillarara umachinchi” (1 Juan 1:​8).

Quirinauna: “¿Ima tunu causaira charini, imarasha? ¿Diosta quirinichu? ¿Imasnara yachani Dios tiashcara? ¿Ima cosasguna manali ashcara quirini, imarasha? ¿Imasnara ricuni huasha punzhauna anara?”.

BIBLIAMANDA IYAI: “Iyaringaj ushashcara canda ricungami, intindina canda cuirangami” (Proverbios 2:11).