CASARASHCAUNAJ
3. Respetana
¿IMARA AN?
Casarashcauna parijumanda respetasha turbarinun caran shujmanda, mana parijulla chi iyaillara charishas. Libro Diez claves para transformar tu matrimonio nin: “Chi casarashcauna mana paiguna iyaillai saquirinun. Shinallara maspas paiguna llaquiunai cuintarisha catinun. Caran shuj iyashcara respetuhua uyanun ali decisiongunara apinun ishquindi ali sintiringaj”.
BIBLIAMANDA IYAI: “Llaquina [...] paihuajllara mana mascanzhu” (1 Corintios 13:4, 5).
“Ñucaj, ñuca huarmira respetana anmi valichishcara ricuchingaj, shinallara mana llaquichisha huajlichingaj ñucanchi casarashca ucui” (Micah).
¿IMARASHA VALISHCA AN?
Casarashcauna mana respetanusha paiguna cuintarina parijumanda manali rimanushca cuinta anga, huaquimbi nanachinga. Maican chimanda yachaujcuna rimanun casarashca ucui ñalla divorciarinamanda shina ricuchinun.
“Manali rimanauna, yanga asinalla camba huarmira manalira sintichinga, chita rurajpi ña cambi mana confiangachu” (Brian).
¿IMARA RURANA USHANGUI?
CANLLAI IYARI
Iyari cuintanunara can charishcara camba carihua camba huarmihua, imasna tratashcaras puchucai semanamanda. Huasha cai tapuigunara cutipai:
¿Masna cuti camicangui, masna cuti sumaj shimiunara rimacangui?
¿Imasnara respetura ricuchicangui?
CARI HUARMI PARIJULLA CUINTARINGAJ
¿Ima rimashcauna rurashcaunas respetashca sintichin?
¿Ima rimashcauna rurashcaunas mana respetashca sintichin?
CASNA RURAI
Caran shuj quillcachu quinsa ruraigunara camba cari camba huarmi mas respetuhua ricuchingaj munashcara. Cai quillcashcaunara turcaichi, ursarichi ishquindipura alira pactachingaj.
Shu listara rurai camba cari, camba huarmi gustashcamanda, chi huasha rimai ashcara valichishcara.
“Ñucaj, ñuca carira respetana anmi ñuca rurashcaunahua valichishcara cushi sintichingaj munashcara. Respetura ricuchina mana atun rurashca cosasgunahua maspas ichilla cosasgunahua an” (Megan).
Sirtu pacha valishca anmi, mana canllara iyaringaj respetashcara, maspas camba cari respetashca sintirichu.
BIBLIAMANDA IYAI: “Llullu shungura churarichi, shinallara ali shunguras, mansu shunguras, ahuantaisiqui shunguras” (Colosenses 3:12).
