“Yachachij tucuna” anguichi (Heb. 5:12). ¡Iyari! Jehová, intiru mundumanda ali yachachij, ñucanchira cumbiran shuj runaunara paimanda yachashcara yachachingaj. Jehovamanda cierto ajta yachachingaj aillu ucui, congregaciombi, Bibliamanda yachachinai shu atun, valij tarbanami an. Shinajpi ¿imasnara ali yachachij tucushun?

Cutipashcara tupanchi apóstol Pablo Timoteoma quillcashca shimiunai: “Diospa shimira ricunai catingui, shinallara camachinais, yachachinais”. Huasha nica: “Casna rasha candas, canda uyajcunaras quishpichingui” (1 Tim. 4:​13, 16). Bibliamanda yachachishcai runaunara quishpichingaj yanapanchi. Chiraigu yapa valishcami an ursarinuchu sumaj leangaj yachachingaj. Cai folleto yanapangami chita rurangaj. Ricushun ima charishcara.

Jehová “Mas Ali Yachachij” an (Is. 30:20). Cai folletohua can ali yachana ushangui leangaj yachachingaj, shinajpi ama cungaringui ñucanchi rimashca Jehovamanda shamushcara, pai runaunara pushamun (Juan 6:44). Shina asha, cuti cuti paihua espíritu santora mañai. Ushashaga tucui huras Diospa Shimira utilizai. Canllara valichina randimanda, Jehovara valichinuchu yanapai. Tucui ushashca tupu rurai canda uyajcunara yanapangaj intiru shunguhua Jehovara llaquinuchu.

Yaya Dios canda cumbirashca shu valishca rimashcara intiru Allpai yachachingaj. Cierto pacha yachanchi “Dios cushca ursahua” can alimi rurangui (1 Ped. 4:11).

Cangunahua pariju tarbajcuna

Jehovahuaj Testigogunara Cuiraj Muntun