Jehová ñucanchira rurashcai rimana ushaira cuyaca. Jehová munanmi ñucanchi rimana ali gustu achu (leai Santiago 1:26). Chiraigu ¿imasnara rimana anchi Jehová ñaupai ali ricuringahua?

1. ¿Imasnara ali utilizana ushanchi Jehová rimana ushai cuyashcara?

Biblia ninmi: “Cangunapura animarichi, shinzhiyaichi” (1 Tesalonicenses 5:11). ¿Maicambas animachichu ministishcara yachanguichu? ¿Can paita cushiyachina ushanguichu? Yachashaga paita can llaquishcara ricuchingui. Pai ali rurashcaunamanda paita rimana ushangui. ¿Iyaringuichu Bibliamanda shu textora llaqui pasaujta animachingahua? Ajllangahua ashca textoguna tian. Astaumbas ama cungaringuichu can imasna rimana shujcunaras animachina ushashcara. Shina ajpi tucui huras llaquihua, gustu shimihua rimangaj ursari (Proverbios 15:1).

2. ¿Ima tunu rimana samira saquina anchi?

Biblia ninmi: “Canguna shimimanda ama ima manali shimis llucshichu” (leai Efesios 4:29). Cai nisha ninmi irus shimiunara mana utilizana anchi, shujcunara llaquichingaj milli shimiunara mana rimanachu anchi. Shinallara shujcunamanda manali rimana, llulla rimanamandas caruyana anchi (leai Proverbios 16:28).

3. ¿Imara yanapanga gustu rimangahua?

Ñucanchi rimashcauna ricuchin ima iyashcara ima sintishcaras (Lucas 6:45). Chiraigu ali iyaigunara charingaj ursarina anchi, tucui ali gustu ajta, tucui llaquinallara, tucui chuyaj ajta, ima alabanalla ajtas iyana anchi (Filipenses 4:8). Caita rurangahua lugar pasana huraspi ali rurasha, ali amigogunaras charina anchi (Proverbios 13:20). Shinallara manara rimashcallaira iyana anchi. Astaumbas iyari can rimashcauna imasna shujcunara sintichinga nisha. Biblia ninmi: “Mana iyaihua rimashca shimiuna isparahua chugrichishca shinami, shinajpis sabiru shimiga chugrishcaunara ambinga” (Proverbios 12:18).

 MAS YACHAI

4. Ali iyasha rimai

Tucuiguna huaquimbi pandarisha rimashcanchi (Santiago 3:2). Leaichi Gálatas 5:22, 23, huasha catij tapuimanda rimaichi:

• Ali iyasha rimangahua caimanda ¿maicanda Jehová Diosta oraciombi mañana ushangui? ¿Imasnara cai iyaiguna canda yanapanga?

Leaichi 1 Corintios 15:33, huasha catij tapuimanda rimaichi:

• ¿Imasnara camba amigoguna manaligunara ricusha uyashas huajlichina o yanapana ushan camba rimanai?

Leaichi Eclesiastés 3:1, 7, huasha catij tapuimanda rimaichi:

• ¿Ima huras ali anga upalla saquiringahua o huasha rimangahua?

 5. Shujcunamanda ali rimangui

6. Camba ailluhua llaquihua rimangui

 IMARA YACHASHCANGUI

Ñucanchi rimashca shimiuna shujcunara llaquichina o yanapanas ushan. Chiraigu ali iyarina anchi ima rimanara, ima huras rimanara, imasna rimanaras.

Iyaringaj

• ¿Imasnara can rimanara utilizanguima shujcunara yanapangahua?

• ¿Ima tunu rimana samira saquina anchi?

• ¿Imara yanapanga tucui huras ali llaquishcahua rimangahua?