LECCIÓN 42
¿Imara Biblia nin casarashcaunamanda mana casarashcaunamandas?
Huaquin llactaunai, runauna iyanun cushi angaj casarana ministishca an nisha. Shinajpis mana tucui casarashcauna cushi causanun shinallara mana casarashcaunamanda mana tucuiguna llaqui anunzhu. Biblia yachachinmi casarasha causana mana casarasha causanas Dios cuyashcami.
1. ¿Imara rurana ushanchi mana casarashca asha?
Biblia ninmi: “Casaraj alirami ran, mana casaraj astaun mas alirami ran” (leai 1 Corintios 7:32, 33, 38, TNM). ¿Imarasha caibi nin mana casaraj “astaun mas alirami ran” nisha? Huarmira o carira cuiranamanda mana turbarina anun mana casarashca Diosta sirvijcuna ashcamanda. Chiraigu Diosta sirvingaj mas lugar anun. Iyari, huaquin mana casarashcauna shuj partiunama Bibliamanda yachachingaj gustu rina ushanun. Astaumbas mas timpu charinun Jehová Dioshua mas ali amigoguna tucungaj.
2. ¿Imarasha ali an Registro Civilbi casarashca ana?
Mana casarasha causana shinallara casarasha causanas bendiciongunara charinmi. Biblia nin “sapalla ana randi, ishquindipura anaga mas ali an” (Eclesiastés 4:9). Cai rimashca pactarin casarashcauna Bibliamanda yachachishcaunara pactachijpi. Leybi casarashcauna parijumanda ninun llaquihua, respetuhua cuirasha nisha. Chiraigu casarashcauna mas ali sintinun, llutarishalla causajcuna randi. Astaumbas casarashcauna aillu ucuibi huahuauna ali gustu cuirashca iñana ushanun.
3. ¿Imara Jehová iyan casaranamanda?
Punda carira, punda huarmira Jehová casarachishcai nica: “Shu cari paihua yayara mamara saquingami, paihua huarmihua llutaringami” (Génesis 2:24). Jehová munanmi cari huarmi casarasha parijumanda llaquinunuchu llutarisha causanuchu huañungagama. Shinajpis cari o huarmi shujhua tacarijpi Jehová saquin mana culpayuj cari o huarmi divorciarinara o mana divorciarinara pai ajllachu (Mateo 19:9). a Jehová nin paita sirvijcuna shu huarmillahua, shu carillahua casarachu (1 Timoteo 3:2).
MAS YACHAI
Yachashun can casarashca asha, mana casarashca ashas imara rurana ushangui cushi angahua, Jehová Diosta cushiyachingahuas.
4. Mana casarashca asha Jehová Diosta mas sirvi
Mana casarasha causanamanda rimasha Jesús nica cuyashcami nisha (Mateo 19:11, 12). Leaichi Mateo 4:23, huasha catij tapuimanda rimaichi:
-
Jesús mana casarashca asha ¿imasnara paihua Yayara sirvica? ¿Imara rurarca shujcunara yanapangaj?
Diosta sirvij mana casarashcauna paihua timpura Jesús cuinta utilizasha cushi causana ushanun. VIDEORA ricuichi, huasha catij tapuimanda rimaichi:
-
¿Imasnara Diosta sirvijcuna mana casarashca asha paiguna timpura ali utilizana ushanun?
¿Yachanguichu?
Biblia mana ninzhu masna huata charina an casarangaj. Shinajpis “ña mana yapa malta asha” casarachu ninmi. Yapa malta asha nuspashcara carira o huarmira apisha mana ali anga (1 Corintios 7:36, TNM).
5. Pihua casaranara ali ajllai
Pihua casaranara ajllana camba causaibi valishca an. Leaichi Mateo 19:4-6, 9, huasha catij tapuimanda rimaichi:
-
¿Imarasha Diosta sirvij ali iyana an manara casarashcallaira?
Biblia canda yanapana ushan ali shungu huarmi, ali shungu cari ajta yachangaj. Astaun Jehová Diosta tucui shunguhua llaquijta mascai. b Leaichi 1 Corintios 7:39; 2 Corintios 6:14. Huasha catij tapuigunamanda rimaichi:
-
Diosta sirvij casarana munasha ¿imarasha pai cuinta Diosta sirvijhua casarana an?
-
Diosta mana llaquijhua casarajpi ¿imasnara Jehová sintinga?
Caran tunu animalgunara pariju tarbangahua huatajpi ishquindi pariju turmindarinun. Shinallara Diosta sirvij, mana Jehová Diosta llaquij carihua o huarmihua casarasha ashca problemagunara charinga.
6. Casaranara ricui Jehová ricushcasna
Ñaupa Israel llactai huaquinguna yangamanda divorciarinuca paiguna huarmiunamanda. Leaichi Malaquías 2:13, 14, 16, huasha catij tapuimanda rimaichi:
-
¿Imarasha Jehová chijnin shu runa yangamanda divorciarichu?
Ucha tacarijpi divorciarijpis mana culpayuj carira o huarmira shinallara huahuaunaras ashcara llaquichinga.
VIDEORA ricuichi, huasha catij tapuimanda rimaichi:
-
Jehová Diosta mana sirvij carihua o huarmihua casarashca asha ¿imara rurana ushangui casaranai cushi causangaj?
7. Casarashca ashaga Jehová mandashcaunara casui
Huaquin casarashcaunaj Jehová mandashcaunara pactachingaj shinzhi an. c Shinajpis Jehová Dios bendician pactachingaj ursarijcunara. VIDEORA ricuichi.
Leaichi Hebreos 13:4, huasha catij tapuimanda rimaichi:
-
¿Can quiringuichu Jehová Dios mandashcauna casaranamanda ali ashcara? ¿Imarasha casna iyangui?
Intiru mundui casarangahua divorciaringahuas leyguna tian. Chiraigu Jehová munanmi caran llactai ley mañashca shina casaranuchu divorciarinuchumbas. Leaichi Tito 3:1, huasha catij tapuimanda rimaichi:
-
Can casarashca ashaga ¿sirtu pacha leygunai casarashca angui, camba casarashca quillca gobierno ñaupai valinzhu?
RUNAUNA CASNA TAPUNUJPI: “¿Imarangaj Registro Civilbi casarasha? ¿Casarana quillca sirtu ministirishcachu?”.
-
¿Imara can cutipanguima?
IMARA YACHASHCANGUI
Casarasha causana, mana casarasha causanas Dios cuyashcami. Mana casarashcauna, casarashcaunas ali gustu cushi causana ushanchi Jehová Dios mandashca cuinta causasha.
Iyaringaj
-
¿Imasnara mana casaraj runa paihua timpura ali utilizana ushan?
-
¿Imarasha Biblia nin Diosta sirvijcunapura casarana ali an nisha?
-
Biblia rimashca cuinta ¿imaraigumandalla divorciarina ushanun?
RICUNGUI
¿Imara nisha nin ‘Señorbi quirijllahua’ casarana?
Manara casarasha ali ajllashcaunaras apingaj cai ishqui pasashcaunara ricuna canda yanapana ushan.
Yachai imarasha shu huauqui sirtu quirin Jehová paima mas valijta cushcara, yapa munashcara saquishcamanda.
Manara divorciarishcallaira o llushpirishcallaira ¿imara ñaupa punda Diosta sirvijcuna ricuna anun?
“‘Dios llutachishcara’ respetashunchi” (La Atalaya, diciembre de 2018)
b Huaquin llactaunai yayauna ajllanun paihua churi o ushushi pihua casaranara. Shina ajpi ali yayauna, cari o huarmi ashca cullqui charij ajta ricuna randi ñaupa punda ricuna an Jehová Diosta llaquij ashcara.
c Mana casarasha llutarishalla causausha, casarana ashcara o saquina ashcara canlla ajllana angui.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
