LECCIÓN 41
¿Imara Biblia nin carihua huarmihua puñunamanda?
Ashca runauna carihua huarmihua puñunamanda rimasha pingai sintinun. Biblia carihua huarmihua puñunamanda pasajta, respetuhua riman. Cai temamanda Biblia rimashca ñucanchira yanapan Diospa Shimi ashcaraigu, Jehová Dios ñucanchira ruraj asha yachan ñucanchij ima mas ali ashcara. Dios yachachin imara rurana ushanchi paita cushiyachingahua, imara ñucanchira yanapanga huiñai huiñai causangahuas.
1. ¿Imara Jehová nin huarmihua carihua puñunamanda?
Carihua huarmihua puñuna Jehová Diospa bendicionmi an. Casarashca huarmi, casarashca cari pariju puñusha cushi anuchu Dios munan. Cai bendición, casarashcauna mana huahuaunara charingahuajllachu an shinallara parijumanda llaquinushcara gustu sintishcaras ricuchingahuas an. Chiraigu Diospa Shimi nin: “Malta hurasmanda camba quiquin huarmihua cushiyai” (Proverbios 5:18, 19). Jehová munanmi paita sirvij casarashcauna chuyaj shunguhua llaquinuchu. Chiraigu casarashcauna mana ima huras shujhua tacarinachu an (leai Hebreos 13:4).
2. ¿Imara an tacarina ucha?
Biblia yachachin “shujhua tacarijcunas [...] Dios mandana pachara mana apinaungachu” (1 Corintios 6:9, 10). Bibliara quillcajcuna uchara tacarinamanda rimangaj griego shimii pornéia ninushca. Cai shimi shinallara nisha nin 1) mana casarashcauna ucha tacarina, a 2) caripura huarmipura tacarina, 3) animalgunahua ucha tacarinas. Shujhua tacarinamanda anzhurisha Jehová Diosta cushiyachinchi ali causairas charinchi (1 Tesalonicenses 4:3).
MAS YACHAI
Ricushun imara rurana ushangui ucha tacarinai ama urmangaj shinallara camba causaibi limpio ana imasna cushi causangaj yanapana ushashcaras.
3. Ucha tacarinamanda caruyai
Diosta casuj runa José ucha tacarinamanda anzhurica. Leaichi Génesis 39:1-12, huasha catij tapuigunamanda rimaichi:
-
¿Imarasha José miticusha callpaca? (Versículo 9 ricuichi).
-
José ¿alira rurarcachu? ¿Imarasha shina ningui?
¿Imasna maltauna José rashca cuinta catina ushanun ucha tacarinamanda caruyangaj? VIDEORA ricuichi.
Jehová munanmi tucuiguna ucha tacarinamanda caruyachu. Leaichi 1 Corintios 6:18, huasha catij tapuigunamanda rimaichi:
-
¿Imara rurasha ucha tacarinai urmana ushanchi?
-
¿Imasnara can ucha tacarinamanda caruyana ushangui?
4. Tintaigunara vinsina ushanguimi
¿Imarasha ucha ruranamanda caruyana shinzhi tucunga? VIDEORA ricuichi, huasha catij tapuimanda rimaichi:
-
Videoibi ricurij huauqui paihua iyaiguna, ruraiguna paihua huarmira llaquichingaraushcara riparasha ¿imara rurarca?
Ali casushas sirvij huauqui paniunas huaquimbi ashca ursarina anun paiguna iyaira limpio charingaj. ¿Imara can rurana ushangui ama cuti cuti ucha iyaira iyaringahua? Leaichi Filipenses 4:8, huasha catij tapuigunamanda rimaichi:
-
Filipenses 4:8 rimashca shina ¿ima tunu iyaigunara charina anchi?
-
¿Imasnara Bibliara leana, Jehová Diosta sirvinas tintarinara vinsingaj yanapanga?
5. Jehová Dios mandashcauna ñucanchira yanapanmi
Jehová ñucanchihuaj ima ali ashcara yachanmi. Chiraigu pai nin imasna ñucanchi causaibi limpio ana anchi shinallara ucha ranamanda caruyajpi imasna ñucanchira yanapanga. Leaichi Proverbios 7:7-27 shinallara VIDEORA ricuichi. Huasha catij tapuigunamanda rimaichi:
-
¿Imasnara cai malta ucha tacarinai urmaca? (Proverbios 7:8, 9 ricuichi).
-
Proverbios 7:23, 26 rimashca shina, ucha tacarina ashca problemagunara apamun. Ucha tacarinamanda caruyasha ¿ima problemagunamanda caruyanchi?
-
Ñucanchi causaibi limpio ana ¿imasnara yanapan cushihua huiñaigama causangahua?
Caripura, huarmipura tacarinara Biblia ucha an nishcara leasha huaquin runauna ninun: “Dios ñucanchira mana llaquinzhu” nisha. Shinajpis Jehová Dios ñucanchira llaquinmi, pai munan tucui runauna cushi causanuchu huiñaigama. Chiraigu pai cushca nishcara chasquingahua pai mandashcasna causana anchi. Leaichi 1 Corintios 6:9-11, huasha catij tapuimanda rimaichi:
-
Diospa ñaupai ¿caripura huarmipura ucha tacarina munaimandallachu ucha an?
Diosta cushiyachingahua tucuiguna ñucanchi causaira alichina anchi. Caita alichingaj ursarina alimi. Leaichi Salmo 19:8, 11, huasha catij tapuimanda rimaichi:
-
¿Ucha tacarinara ama ruraichu Jehová nishca pactachinallachu? ¿Imarasha casna iyangui?
Jehová ashca runaunara pai mandashcaunara casungahua yanapashcami shinallara candas yanapana ushanmi.
RUNAUNA CASNA NINUJPI: “Ishquindipura llaquinunusha puñunujpi mana uchachu”.
-
Can ¿imara ninguima?
IMARA YACHASHCANGUI
Casarashca cari, casarashca huarmi pariju puñuna Jehová Diospa bendicionmi. Chiraigu casarashcaunalla casna puñuna ushanun.
Iyaringaj
-
Pornéia nishca tacarina ucha ¿ima tunu ruranaunas an?
-
¿Imara yanapanga ucha tacarinai ama urmangaj?
-
¿Imasnara ñucanchira yanapan Jehová mandashcara casuna?
RICUNGUI
Yachai imarasha Dios mañan cari shu huarmi casaranuchu pariju causana munasha.
“¿Imara Biblia riman mana casarasha pariju causanamanda?” (jw.org partii tiaj tema)
Caripura, huarmipura puñunamanda Biblia ima nishca mana anzhu shujcunara chijningaj.
“¿Caripura huarmipura tacarisha causana alichu an?” (jw.org partii tiaj tema)
Leai Biblia camachishcauna imasna tacarina uchamanda ñucanchira cuirashcara.
“¿Cari huarmi charishca partiunara calluhua shimihua llangana uchachu an?” (jw.org partii tiaj tema)
Shu huarmi cuinta tucuj runara imara yanapaca paihua causaira alichisha Diosta cushiyachingahua. “Ñucara ali sintichihuanuca” nishca temara leai.
“Biblia paiguna causaira turcachica” (La Atalaya, 1 de abril de 2011)
a Runa shimi rimajcunaj, caimanda pajllai rimana yapa pingaimi. Shinajpis, Jehová mandashcaunara alira yachangahua cai temamanda pajllai rimana munanchi. Cai pornéia ucha rurana shinallara an: Sexo oral (cari huarmi charishca pingai partira shimii churasha irusta rana), sexo anal (siqui partimanda irusta ranas). Shinallara cari huarmi charishca pingai partira llangasha ishquindipura irus ucha munaira sintingahuas.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
