LECCIÓN 26
¿Imarasha turmindusguna tian?
Ashca runauna llaqui pasashcai tapurinun “¿Imarasha?”. Cai tapuira Biblia cutipajpi ali sintichin.
1. ¿Imara Satanás rurashca manali cai mundui tiai callarichu?
Supai, Satanás Dioshua cuntra tucuca. Pai shujcunara mandana munashcaraigu punda runaunara Adán, Evara Dioshua cuntra tucuchu Evara llullasha caita pactachica (Génesis 3:1-5). Jehová tucui aliunara Evama mana cuna munanzhu nisha Satanás Evara llullaca, pai ningaj munaca Jehová Diosta mana casusha runauna mas cushi anunga nisha. Mana huañunguichu nisha Satanás Evara punda llullara rimauca. Chiraigu Biblia nin “pai llullajmi, shinallara llullanahua yayami” (Juan 8:44).
2. ¿Imara Adán, Eva ajllanuca?
Jehová, Adán Evama ashcaunara cuyaca. Pai nicami chi ali gustu pamba Edenmanda tucui yuraunamanda micuna ushanguichi shinajpis shu yuramandalla ama micuichichu nica (Génesis 2:15-17). Shina nijpis chi yuramanda micunuca. Eva “muyura apisha micungaj callarica”, chi huasha Adambas “micungaj callarica” (Génesis 3:6). Shina ishquindi Diosta mana casunuca. Adán, Eva ucha illaj ashcaraigu alira rurangaj ushanalla aca. Shinajpis paiguna ajllanuca Jehová Diosta mana casungaj casna rurasha uchanuca, Jehová paigunara mandachu mana munanuca. Paiguna mana casushcamanda ashca turmindusgunara charinuca (Génesis 3:16-19).
3. Adán, Eva Diosta mana casushcamanda ¿imasnara ñucanchira llaquichishca?
Adán, Eva uchara rashcamanda paiguna tucui miraigunama uchara pasachinuca. Adanmanda rimasha Biblia nin: “Shu runamandalla ucha mundui icuca, uchamanda huañuis icuca, shinallarami huañui tucui runaunama shamuca” (Romanos 5:12).
Shinajpi ¿imarasha turmindarinchi? Huaquimbi ñucanchillara pandarishcamanda. Randi, shujcuna manali rurana ajllashcamanda. Shinallara maicambi turmindarinchi manali lugarbi, manali huraspi ashcaraigu (leai Eclesiastés 9:11).
MAS YACHAI
Mundui manali pasaushcamanda, turmindusgunamanda Diosta culpana imarasha manali ajta, imasna Dios sintishcaras ricushun.
4. Ñucanchi turmindarinamanda culpayuj
Ashca runauna quirinun cai mundura Yaya Dios mandaun nisha. ¿Cai sirtuchu? VIDEORA ricuichi.
Leaichi Santiago 1:13; 1 Juan 5:19, huasha catij tapuimanda rimaichi:
-
¿Manalimanda, turmindusgunamanda Yaya Dios culpa charinzhu?
5. Supai Satanás mandaushcamanda ¿imara tucushca?
Leaichi Génesis 3:1-6, huasha catij tapuigunamanda rimaichi:
-
¿Imara Satanás llullaca? (Versículo 4, 5 ricuichi).
-
¿Imasnara Satanás nica Jehová mana munanzhu runauna ali causanuchu nisha?
-
¿Imasnara Satanás quirichica cushi causangaj runauna mana ministinunzhu Jehová paigunara mandachu nisha?
Leaichi Eclesiastés 8:9, huasha catij tapuimanda rimaichi:
-
Jehová cai mundura mana mandaushcamanda ¿imasnara runauna causanun?
-
Adán, Eva ucha illaj anuca, Paraisoi causanuca shinajpis Satanasta casunuca, shina rasha Jehovahua cuntra tucunuca.
-
Paiguna cuntra tucushca huasha intiru mundui ucha, turmindus, huañuis icuca.
-
Jehová tucuchinga uchara, turmindusta, huañuiras. Runauna ucha illaj tucununga, Paraisoi causanunga.
6. Jehová llaquirinmi ñucanchi turmindarijpi
Jehová Dios ¿llaquirinzhu ñucanchi turmindarijpi? Rey David, apóstol Pedro quillcashcara ricui. Leaichi Salmo 31:7; 1 Pedro 5:7, huasha catij tapuimanda rimaichi:
-
¿Imasnara can sintingui ñucanchi turmindarishcai Jehová llaquirishcara, nanarishcara yachasha?
7. Runauna tucui turmindusta Jehová tucuchingaraun
Leaichi Isaías 65:17; Apocalipsis 21:3, 4, huasha catij tapuimanda rimaichi:
-
Jehová rimanmi runaunara tucui turmindachijta tucuchingarauni, huajlishcaunaras alichingarauni nisha. ¿Caita yachana canda animachinzhu? ¿Imarasha?
¿Yachanguichu?
Punda llullaihua, Satanás Jehová Diosta camisha paihua shutira manali saquichica, manali mandajchu manalichu nisha. Ñallai Jehová runaunara turmindachijta tucuchisha paihua shutira ahuayachinga. Dios ricuchingami paihua mandana mas tucuimanda ali ajta. Jehová shutira tucui manali saquichishcamanda ahuayachina mas ministirishca an (Mateo 6:9, 10).
RUNAUNA CASNA NINUJPI: “Turmindarisha causangahua Dios ñucanchira rurashca”.
-
¿Imara can ninguima?
IMARA YACHASHCANGUI
Cai mundui tiashca turmindusgunamanda Satanás, Adán, Eva culpa charinun. Ñucanchi turmindus pasaushcara ricusha Jehová yapa llaquirin. Chiraigu ñalla turmindusgunara tucuchingaraun.
Iyaringaj
-
Supai ¿ima llullara Evama rimaca?
-
Adán, Eva Diosta mana casushcamanda ¿imasnara causaunchi?
-
¿Imarasha ninchi ñucanchi turmindarishcara ricusha Jehová llaquirin?
RICUNGUI
Uchamanda Biblia intindichishcara leai.
Ali gustu pamba Edembi Satanás rimashcamanda mas yachai.
“¿Imarasha turmindus tiachu Yaya Dios saquishca?” (La Atalaya, 1 de enero de 2014)
Cai catij tapuimanda Biblia imasna cutipashcara leai.
Ashca llaquiunara charij runa imasna cushi causaira tupashcara ricui.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
