Congregaciongunai tupanchi ashca huatauna Diosta sirvij huauqui paniunara. Ñucanchi paiguna Jehová Diospi quirinara ricuchishcamanda yachana ushanchi. Paigunara tapuna ushanchi imasna aca ñaupa timpui Jehovahuaj organización, imasnara turmindusta ahuantanuca Jehová yanapaihua. Maicambi cai llaquishca huauquiunara cumbirana ushanchi paiguna pasashcamanda cuintanuchu ñucanchi familiahua aduranai.

Can ashca huatauna Diosta sirvij asha, maltaunara cuintai imasna Jehová canda yanapashca. Jacob Josendi paiguna miraigunara cuintaca Jehová ima rurashca paigunamanda (Gé 48:​21, 22; 50:​24, 25). Huasha Jehová Dios yayaunara mañaca huahuaunara cuintachu paihua sumaj atun rurashcaunamanda (Dt 4:​9, 10; Sl 78:​4-7). Cuna punzhaunai yayauna, shujta Diosta sirvijcunas cuintana ushanun maltaunara Jehová ima sumaj rurashcara paihua organizacionmanda.

PARIJU TIAICHI TURMINDUSGUNA PASAUSHCAI VIDEO RICUSHCA HUASHA, CATIJ TAPUIGUNARA CUTIPAI:

• ¿Imasnara Austria llactai tiaj Oficina Betel Bibliamanda yachachina mana saquishca llactaunai tiaj huauquiunara yanapaca?

• ¿Imara ruranuca cai huauqui paniuna Jehová Diosta sirvisha catingaj?

• ¿Imarasha ashca Bibliamanda yachachijcuna caruyanuca Jehovahuaj organizacionmanda Rumania llactai, imasnara tigranuca?

• ¿Imasnara cai cuintashcauna camba quirinara shinzhiyachin?