Abrahán, Sara huarmihua llaquinara, respetora ricuchinuca (Gé 12:​11-​13; 1Pe 3:​6). Shinajpi paiguna uchayuj ashcamanda problemaguna charinuca. Casarashcauna ¿imara yachana ushanun Abrahán, Sara ejemplomanda?

Ali cuintarina valijmi. Camba cari o huarmi piñarishca, manali rimajpi ursari alilla cutipangaj (Gé 16:​5, 6). Pariju tiangaj timpura llucchichi. Canguna rurashcaunahua, shimiunahuas llaquina ricuchichi. Canguna casarashca causaibi tucui huras Jehová Diosta iyarichi: estudiaichi, mañaichi, pariju Jehová Diosta aduraichi (Ec 4:​12). Casaranara Jehová Dios callarichica, chiraigu cushi casarashcauna paita ahuayachinun.

¿IMASNARA CASARASHCAUNA MAS CUSHI CAUSANA USHANUN? VIDEO RICUSHCA HUASHA, CATIJ TAPUIGUNARA CUTIPAI:

• Jhon, Kiara ¿imarasha caruyanuca?

• ¿Imarasha cari huarmi paiguna sintishcara rimana anun?

• Abrahán, Sara ejemplo ¿imasnara Jhonda, Kiara huarmira yanapaca?

• Jhon, Kiara ¿imara ruranuca mas cushi causangaj?

• ¿Imarasha casarashcauna mana iyana anun problemaguna mana tianara?