Estados Unidos llactamanda Centro para el Control y la Prevención de Enfermedades nishca organización nin, ñacas chaupimanda yali maltauna 15,19 huatayujcunara tapushcai rimanuca cari huarmi charishca partiunara calluhua shimihua llangana tacarinara ruranushca. Sexo oral el nuevo beso de las buenas noches nishca librora quillcaj huarmi Sharlene Azam nin: “Maican maltaunahua cari huarmi charishca partiunara calluhua shimihua llangana tacarinamanda rimajpi ali an ninun”. Shinallara nin, “paiguna mana quirinun tacarina ucha ashcara”.

•  ¿Cari huarmi charishca partiunara calluhua shimihua llangana tacarinamanda imara iyangui?

•  ¿Maican cutipashcauna ali anun?

•  ¿Imara Yaya Dios caimanda iyan?

 Cutipai ari o mana.

1.   ¿Shu huarmi icsayuj saquirina ushanzhu?

   1.   Ari

   2.   Mana

2.   ¿Shu ungüi api tucuna ushanunzhu?

   1.   Ari

   2.   Mana

3.   ¿Shu cari shu huarmihua tacarina cuintachu an?

   1.   Ari

   2.   Mana

 Camba cutipashcaunara catij cutipashcaunahua ricui.

1.   ¿Shu huarmi icsayuj saquirina ushanzhu?

    Ali cutipana: Mana. Chimanda ashca runauna quirinun chita rurana ali ashcara.

2.   ¿Shu ungüi api tucuna ushanunzhu?

    Ali cutipana: Ari. Cari huarmi charishca partiunara calluhua shimihua llangachijcuna hepatitis A o B, mitsa muyuuna, gonorrea, herpes, sida, sífilis ungüigunara api tucuna ushanun.

3.   ¿Shu cari shu huarmihua tacarina cuintachu an?

    Ali cutipana: Ari. Shu runa charishca partiunara tacarina iyaihua ima tunuhua llangajpi shu cari shu huarmihua tacarina rurana cuintami an.

 Cari huarmi charishca partiunara calluhua shimihua llanganamanda Biblia ima nishcara ricushun.

 Biblia nin: “Dios munan cangunara sumaj dirichu causanauchu, shujhua tacarinamanda anzhurisha” (1 Tesalonicenses 4:3).

 Biblia “tacarina uchamanda” rimashcai intindichina munan mana casarashcapura tacarina ucha ruranamanda, imasna cari huarmi charishca partiunara calluhua shimihua llangana, sicujtumanda rana, quiquin charishca partiunara tacarina munaihua llanganas. Maican cai irus tacarina uchaunara ruraj atun turmindusgunara charinga, maspas Diospa amigo tucunara huajlichinga (1 Pedro 3:12).

 Biblia nin: “Shujhua tacarisha, duiñu paihua quiquin aichara huajlichin” (1 Corintios 6:18).

 Cai irus tacarina ucha unguchin, Diosmanda caruyachin, manali sintichin. Como hablar de sexo con los adolescentes para que te escuchen nishca libro intindichin: “Mana casarashcapura tacarishca huasha aripintirinun, paigunara mana valichishcara sintirinun, shinallara shu tunu tacarina rurashcaunara rurasha cai sintishcaunara charinun. Tucui cai rurashcauna tacarina uchami an”.

 Biblia nin: “Ñuca Jehová, cambaj Dios ani, canllara ali causachu Yachachij, canda ali ñambi purichu Yachachij ani” (Isaías 48:17).

 ¿Can quiringuichu tacarina uchamanda Dios cushca mandashcauna canda yanapana ushan? ¿Chi randimanda quiringuichu can munashcaunara rurangaj mana saquinzhu? Caita iyari, ashca autuuna pasaj ñambii maibi shayachina, maibi rina letreroguna tianun. ¿Imara ninguima? ¿Cai señalguna canda cuirangaj valin? manashaga ¿mana saquin can munashca cuinta manejangaj? Can, shuj manejajcunas cai letrerogunara mana casunujpi ¿imara tucuna ushan?

 Shinallara Yaya Dios mandashcaunara mana casusha ashca llaquiunara charingui (Gálatas 6:7). Sexo inteligente nishca libro nin: “Can quirishcaunara saquisha ima mana rurana ashcara rurasha, canllara mana valichingui”. Maspas Yaya Dios mandashcaunara casusha, alira iyasha causaj runa ashcara ricuchingui. Astaumbas Diospa ñaupai ali ricurishcara yachasha ali sintirisha causangui (1 Pedro 3:16).