Mana. Ashtahuanpish testigo de Jehovacunaca vacunarina cashcata o mana vacunarina cashcataca cada uno agllana cashcatami yuyancuna. Achca Testigocunaca vacunarinatami decidishcacuna.

 Millai ungüicuna ama japichunmi ñucanchijpish doctorcunapajman rinchij. Doctorcuna mushuj jambicunata llujchijpicarin achcatami valoranchij. Cai llaqui horascunapi doctorcuna ñucanchijta ayudangapaj esforzarishcamantami achcata agradicinchij.

 Testigo de Jehovacunaca ñucanchij saludta cuidachunmi gobierno churashca autoridadcunahuan tandalla trabajashcacuna. Por ejemplo, COVID-19 ungüi tiyai callarishcamantapachami Testigocunaca cada llajtapi tiyaj instruccioncunata pajtachichunca chꞌican chꞌican shimicunapi cai paginapi yuyachicushcacuna. Ashtahuanpish huasipi saquirichun, achcacunahuan ama tandanacuchunmi animacushcacuna. Shinallataj gentecunamanta caru carupi purichun, maquicunata maillarichun, mascarillacunata churarichun, autoridadcuna churashca shujtaj instruccioncunatapish pajtachichunmi animacushcacuna (Romanos 13:1, 2).

 Achca huatacunatami testigo de Jehovacunapaj publicacioncunapica caicunata yuyachishca:

•   Ñucanchij saludhuan ima ruranataca cada unomi decidina canchij (Gálatas 6:5).

   ‘Cai revistapica ima jambita ubyanata o ima tratamientota catinataca mana ninchu. Ashtahuanpish caipi tiyaj yuyaicunata liyishpa cada uno decidichunmi yachachin’ (¡Despertad!, 8 de febrero de 1987).

   “Cancunapish, cancunapaj huahuacunapish vacunarinataca cancunallatajmi decidina canguichij” (¡Despertad!, 8 de diciembre de 1965).

•   Causaita valichishcamantami doctorcunapajman rinchij (Hechos 17:28).

   “Testigo de Jehovacunaca ungüicunamanta jambiringapajca doctorcunapajmanmi rincuna. Shinallataj causaita cꞌuyashcamantami Bibliapaj consejocunata catishpa causashpa catingapaj tucui pudishcata rurancuna” (La Atalaya, 1 de mayo de 1976).

   “Ungüi solo ama puringapaj, causashpa catingapajca doctorpajman rinaca allimi can. Testigo de Jehovacunapish chꞌican chꞌican tratamientocunatami catishcacuna. Bibliapi parlashca Lucas shinami huaquin Testigocunapish doctorcuna tucushcacuna. Chaimantami Testigocunaca doctorcuna jambishcata, paicuna esforzarishcataca achcata valorancuna” (La Atalaya, 1 de febrero de 2011).