Chꞌican chꞌican llajtacunamanta clima imamanta cambiarishcata estudiaj runacunaca caitami nircacuna. Dios tiyashcata, ñucanchijmanta preocuparishcata crishpaca investigaj runacuna ima nishcata ricushpami cai Allpa allichirichun Dios rurashcata intindingui.

Gentecunaca cai Allpataca mana cuidashcacunachu. Chaimantami cai allpaca mana paillataj allichiri tucun, allichirichunca Diospaj ayudatami minishtin. ¿Diosca cai Allpata allichinataca imamanta seguros canchij?

Cai Allpa ima shina allichirinata catij versocunapi ricui.

• Cai Allpataca Diosmi rurarca. Génesis 1:​1-pica: “Callaripica Diosca cielotapish, allpatapishmi rurarca” ninmi.

• Cai Allpa dueñoca Diosmi can. Salmo 24:​1-pica: Cai allpaca Jehová a Diospajmi. “Chaipi imalla tiyajcunapish paipajmi” ninmi.

• Diosca cai Allpa allichirichunmi rurarca. Salmo 104:​5-pica: “Paimi cai pachatapish callari rumicuna jahuapi sinchita churarca. Nunca pi mana cuyuchingachu” ninmi.

• Diosca cai Allpapi causai tiyashpa catinatami huillan. Isaías 45:​18-pica: ‘Jahua pachata ruraj Mandaj Diosmi, Paica cai pachataca mana yanga tiyachun rurarcachu, runacuna causachunmi rurarca’ ninmi.

• Diosca gentecuna cai Allpapi huiñai huiñaita causanatami huillan. “Salmo 37:​29-pica: “Cashcata rurajcunallami Dios cusha nishca llajtata japingacuna. Tucui causaipimi chai llajtapi causangacuna” ninmi.

Allpa allichirichun rurashca cashcamanta cai allpapi imalla tiyashcacunata gentecuna cuidajpica ñucanchij Allpaca sumaj cashpami catinga. Bibliapi huillashca shinaca cai Allpata llaquichijcunata tucuchingapajmi Jehová Diosca shuj punlla ña agllashcata charin (Apocalipsis 11:18).

Bibliapica shamuj punllacunapi Diosca cai Allpata sumaj paraisota ruranata, tucui causaita charijcunaman maquita cacharishpa caranatami huillan (Salmo 145:16).