¿2020 huatamanta Huillaj revistacunapi imalla yachachishcacunata yuyaringuichu?

¿Jahua pachaman rigrijcunataca ima shinataj tratana canchij?

Agllashcacuna rijsishca cajpipish, achca huatacunata Diosta sirvicujpipish paicunataca manataj jatunyachinachu canchij (Judas 16). Paicunataca Yayitu Dios ima shina agllashcataca mana tapunachu canchij (w20.01 páginas 28, 29).

¿Jehová Dios ñucanchijmanta preocuparishcataca imamantataj seguros canchij?

Bibliapica Jehová Diosca ñucanchij manaraj huacharijpi ña alli rijsishcata, ñucanchij mañashcacunatapish uyaj cashcatami parlan. Shinallataj Jehová Diosca ñucanchij shunguta, yuyaitaca allimi yachan. Ashtahuancarin allita rurashpaca Jehová Diostami cushichishun (1 Crónicas 28:9; Proverbios 27:11). Yayitu Diosca paita alli rijsichunpishmi ayudashca (w20.02 página 12).

¿Ima horataj parlana canchij, ima horataj upalla saquirina canchij?

Jehová Diosmanta parlacushpaca cushillami sintirinchij. Dios mandashcata maijan mana cazushca cajpica paihuanmi parlana canchij. Shuj huauqui o pani consejota minishtijpica ancianocunaca mana upallachu saquirina can. Diosta sirvichun jarcaj lugarpi sirvicushpaca chaipi ima shina predicashcata o ima shina tandanacushcataca mana huillanachu canchij. Ñucanchijpish chashnallataj mana tapunachu canchij (w20.03 páginas 18-22).

¿Joel capítulo 2-pi parlashca langostacuna, Apocalipsis capítulo 9-pi parlashca langostacunaca imapitaj chꞌican can?

Joel 2:20 al 29-pica Jehová Diosca: ‘Janaj ladomanta shamuj langostacunatami cancunamantaca caruman apasha. Cai langostacuna llaquichishcatami Yayitu Diosca cutin tigra pagasha’ ninmi. Qꞌuipaca paipaj espíritu santotami curca. Cai profeciaca babiloniocuna Jerusalenta llaquichijpimi pajtarirca. Apocalipsis 9:1 al 11-pica jahua pachapi causachun Dios agllashcacunamantami parlacun. Paicunaca cunan punllacunapica langostacuna shinami mana manchashpa Jehová Diosca ñallami millai gentecunataca tucuchinga nishpa huillancuna. Cai mundopaj ruraicunata catijcunaca caita uyashpaca mana alli sintirincunachu (w20.04 páginas 3-6).

¿Janaj ladomanta mandajca pitaj can?

Rusia, paita apoyajcunapishmi can. Paicunaca Diosta sirvijcunatami ama predicachun jarcashcacuna. Shinallataj Diosta sirvijcunatami pꞌiñashcacuna. Janaj ladomanta mandajca ura ladomanta mandajhuanmi macanacushcacuna (w20.05 página 13).

Gálatas 5:22, 23-pica nueve cualidadcunamantami parlan. Caicunaca espiritupaj granomi can. ¿Chaicunallachu tucuicuna can?

Mana. Espíritu santoca shujtaj cualidadcunatapish charichunmi ayudan. Caimanta shujca cashcata ruranami can (1 Timoteo 6:11) (w20.06 página 17).

Redes socialescunapi fotocunata, comentariocunata, videocunata ñucanchijmanta churashpaca ¿ima llaquipitaj urmai tucunchij?

Redes socialespi fotocunata, videocunata, comentariocunata churashpaca jatun tucushca cashcata shinami ricuchishun (w20.07 páginas 6, 7).

¿Alli pescajcunamantaca imatataj yachai tucunchij?

Alli pescadorcunaca pescana tiempopi, pescadocuna tiyan lugarpimi pescancuna. Minishtishca herramientacunatapishmi alli utilizanata yachancuna. Shinallataj problemacuna ricurijpipish mana manchashpami pescancuna. Diosmanta huillajcunapish paicunapaj ejemplotami catina canchij (w20.09 páginas 4, 5).

¿Yachacuj Diosta ashtahuan cꞌuyachunca ima shinataj ayudai tucunchij?

Yachacujtaca cada punlla Bibliata liyichunmi animana canchij. Liyishcapipish cutin cutin yuyachunmi ayudana canchij. Diosta mañachunpishmi yachachina canchij (w20.11 página 4).

¿Pabloca Jesuspi cajcunaca tucuicunami causachishca canga nishpaca picunamantataj parlacurca? (1 Corintios 15:22).

Jahua pachapi tucuicuna causarinamantaca mana parlacurcachu. Ashtahuanpish jahua pachapi causarina esperanzata charijcunallamantami parlacurca. Paicunaca “Jesuspi shujlla tucujpi jucha illajta rurashca, jucha illaj cachun cayashcacunami” cangacuna (1 Corintios 1:2; 15:18, NWT ) (w20.12 páginas 5, 6).

¿Jahua pachaman rigrijcunaca tucuri trompeta uyarijpica ñahui quimllai shinallapi shujtajyachishca cashpaca imatataj rurangacuna? (1 Corintios 15:51-53).

Paicunaca Jesushuanmi fierro varahuan cai Allpapi causajcunataca mandangacuna (Apocalipsis 2:26, 27) (w20.12 páginas 12, 13).