Shamuj punllacunapi ima shina causanatami agllai tucungui
Casi 3.500 huatacuna huashamanca Jehová Diosca paita adorajcunamanca shamuj punllacunapi cushilla causangapaj imata rurana cashcatami huillarca. Paica: ‘Cancunallataj agllachun causaitapish, huañuitapish, allicunata japinatapish, llaquicunata japinatapishmi ricuchini. Causaita agllaichigari, chaita agllashpami cancunapish, cancunapaj huahuacunapish causanguichij’ nircami (Deuteronomio 30:19, QC, 1989).
Ñaupa tiempopi Diosta catijcuna alli causanata munashpaca alli decisiontami agllana carca. Ñucanchijpishmi shuj alli decisionta agllana canchij. Bibliapimi ima shina alli causaita charinata yachachin. Deuteronomio 30:20-pica: “Mandaj Dios cancunapaj Taita Diosta cꞌuyashpa, paita cazushpa paita catishpa causachunmi mandani” ninmi.
¿CANCA IMA SHINATAJ YAYITU DIOSTA CꞌUYANGUI Y UYANGUI?
BIBLIA IMA NISHCATA YACHAI: Diosta cꞌuyangapajca paimanta Biblia ima nishcatami yachanaraj cangui. Bibliata liyishpami Yayitu Dios cꞌuyaj cashcata, ñucanchijpaj allipaj munashcata cuentata cungui. Yayitu Diosca canmantami preocuparin. Chaimantami paita mañachun munan (1 Pedro 5:7). Yayitu Diosta rijsingapaj esforzarishpaca paipish cambajmanmi cꞌuchuyanga (Santiago 4:8).
IMA YACHASHCATA PAJTACHI: Diosta uyangapajca Bibliapi tiyaj consejocunatami ñucanchij causaipi pajtachina canchij. Chashnami Josué 1:8-pi nishca shina causashun. Chaipica: “Tucui can rurashcacunami alli llujshinga” ninmi.
Caitapish yachai
HUILLAJ
Alli decidishpaca cushillami causangui
Achcacunaca “ñami destinashca canchij” nincunami. Pero, ¿chaica ciertochu can?
BIBLIAMANTA TAPUICUNA
¿Bibliata intindingapajca imataj minishtirin?
Dios quillcashcacunamantaca tucuicunami yachai tucunchij.
