Parte 10-pica caitami yachagrinchij
Jehová Diosmi tucuita Mandaj can. Paica siempremi tucuita rurai tucun. Por ejemplo, shuj jatun jutcupi huañunamantami Jeremiastaca quishpichirca. Sadrac, Mesac, Abednegotapish nina rupacuj hornomantami quishpichirca. Danieltaca leoncuna ama micuchunmi cuidarca. Shinallataj Diosca paipaj pueblota quishpichichunmi Ester huarmita cuidarca. Diosca mana alli ruraicunata ñallami tucuchinga. Jatun rucu estatuamanta, jatun yuramanta parlaj profeciacunapish Diospaj Gobierno tucui millai ruraicunata tucuchishpa, cai allpata mandanatami ricuchin.
CAIMI TIYAN
YACHAI 57
Diosca Jeremiastami predicanaman cacharca
Jeremiasca millaita ruranata saquichij nishpami predicarca. Chaimantami Judamanta ancianocunaca pꞌiñarircacuna.
YACHAI 58
Jerusalén llajtaca tucuchishcami carca
Judiocuna yanga dioscunata adorashpa catishcamantami paicunata llaquichichun Jehová Diosca saquirca.
YACHAI 59
Chuscu jovencunaca Jehovatami cazurcacuna
Nabucodonosorpaj ñaupajpi cashpapish chuscu jovencunaca Jehová Diosllatami tucuipi cazushun nircacunami.
YACHAI 60
Diospaj Gobiernomi para siempre mandanga
Danielca Nabucodonosorpaj muscui ima nisha nishcatami huillarca.
YACHAI 61
Jatun estatuapaj ñaupajpica mana cumurircacunachu
Sadrac, Mesac, Abednegopish Babiloniata mandaj reypaj jatun estatuataca mana adorarcacunachu.
YACHAI 62
Shuj gobiernoca shuj jatun yura shinami can
Nabucodonosorpaj muscuica shamuj punllacunapi pai ima tucunatami ricuchirca.
YACHAI 63
Shuj patapimi quillcashca ricurirca
¿Mana intindinalla letracunaca ima horataj patapi ricurirca? ¿Chaica imatataj nisha nirca?
YACHAI 64
Danieltaca leoncunapaj jutcupimi shitarcacuna
Daniel shinami tucui punllacuna Diosta mañana cangui.
YACHAI 65
Esterca paipaj pueblotami salvarca
Esterca yaya mama illajmi saquirirca. ¿Paipaj llajtapi mana cashpapish ima shinataj reina tucurca?
YACHAI 66
Esdrasca Diospaj Leymantami yachachirca
Diospaj Leyta Esdras liyishca qꞌuipami israelitacunaca Diosllatami cazushun nircacuna.
YACHAI 67
Jerusalén llajtapaj pircacuna
¿Contracuna judiocunata llaquichisha nijpipish imamantataj Nehemiasca mana mancharca?
