¿IMAMANTATAJ MINISHTIRISHCA CAN? Achca shuhuacuna, huañuchijcuna mirarishcamantami huaquincunaca paicunapaj huasipica camaracunata, parlanayuj timbrecunata churancuna. Cashna laya huasicunapi huillanaman rishpaca huasiyujcuna ñucanchijta ricucujpi, cutin ñucanchijca paicunata mana ricui tucushcamantachari manchaita charinchij. Cai catij consejocunami camaracunapaj ñaupajpi, parlanayuj timbrecunapaj ñaupajpi o telefonopi alli huillachun ayudanga.

¿IMATATAJ RURANA CANCHIJ?

• Gentecunaca ñucanchijta mana uyangachu nishpaca mana yuyanachu canchij. Maijancunaca paicunapaj huasipi camarata o parlanayuj timbreta charishpapish ñucanchijhuanmi parlanata munancuna.

• Huasipi tiyaj maijan camaracunaca can manaraj timbrajpimi grabai callarin. Chaimantami huasiyuj canta ricucujta o uyacujta yuyarina cangui.

• Maijan contestajpica paipaj ñaupajpi cashca layallataj parlai. Cushi ñahuihuan, ima shina can parlaj layallataj parlai. Huillangapaj ima shinami prepararircangui chashnallataj huillai. Shuj cámara tiyajpica ama tanto cꞌuchuyaichu. Pi mana contestajpicarin mana imata ninachu cangui.

• Huasiyujhuan parlashca qꞌuipaca pai canta uyacujta, ricucujtaca mana cungarinachu cangui.