Ezequiel muscuipi shina ricushca Diospaj huasica, prezu shina apashca judiocuna cutin tigrashpa Diosta adorana cashcatami ricuchirca. Bibliapica tucuri punllacunapi Jehová Diosta adoranaca “sinchita shayachishca tucui urcucunapaj uma shinami canga” ninmi. Ñucanchijpish chꞌican chꞌican llajtacunamanta gentecunahuanmi tandalla Diosta adorangapaj chai urcuman huichiyashcanchij (Isa 2:2). ¿Jehová Diosta rijsina, paita sirvinaca shuj jatun bendición cashcata yuyashcanguichu?

• Ashtahuan valishca tapuicunatami yachai tucushcanchij. Alli causangapajpish consejocunata, sumaj esperanzatami charinchij (Isa 48:17, 18; 65:13; Ro 15:4).

• Muyundij Allpapimi huauquicunata panicunata charinchij (Sl 133:1; Jn 13:35).

• Cushicushpa Diospajta rurashpa trabajana bendiciontami charinchij (Hch 20:35; 1Co 3:9).

• Problemacunata charijpica “Diospaj sumaj causaica” fuerzata cushpami ayudan (Flp 4:6, 7).

• ‘Chuya yuyaitami’ charinchij (2Ti 1:3).

• Diospaj alli amigocunami canchij (Sl 25:14).

¿Jehová Diosta adorana valishca cashcataca ima shinataj ricuchini?