Shuj huarmi, Jehová Diosta sirvi callarishpa, imapi mana juchachipaj cashpaca paipaj cusatapish Jehová Diosta sirvichunmi ayudai tucunga. Pero chaipajca achca huatacunachari pasanga. Cusapish paihuan mana de acuerdo cashpami Diosta sirvinata jarcasha ninga (1Pe 2:21-23; 3:1, 2). Canpish chashna jarcaicunata charishpaca mana allitaca alli ruraicunahuanmi mishana cangui (Ro 12:21). Cambaj alli ruraicunahuanmi cambaj cusapaj shunguman chayangui.

Cambaj cusa ima shina sintirishcata intindingapaj esforzari (Flp 2:3, 4). Llaquij, alli shungu cai. Cambaj responsabilidadcunata alli pajtachi. Pai ima nishcata alli uyai (Snt 1:19). Paita cꞌuyai, pacienciata chari. Mana can shina cꞌuyajpi, mana respetota ricuchijpipish canca Yaya Diospaj ñaupajpi alli cashcata seguro cai (1Pe 2:19, 20).

JEHOVAMI LLAQUICUNA CHAUPIPICA FUERZASTA CUN NISHCA VIDEOTA RICUSHCA QꞌUIPA CAI TAPUICUNATA CUTICHI:

• ¿Recienlla cazarashca qꞌuipaca pani Gracepaj causaica ima shinataj carca?

• ¿Cai panica imamantataj testigo de Jehová tucurca?

• ¿Bautizarishca qꞌuipa llaquicunata chꞌimbapurangapajca imataj cai panita ayudarca?

• ¿Paipaj cusamanta imata rurachuntaj Diostaca mañarca?

• ¿Imapi mana juchachipaj, cazuj cashcamantaca ima bendiciocunatataj chasquirca?