Causaica Dios cushca sumaj regalomi can. Ñucanchij ruraicunahuanmi causaica valichishca o mana valichishca cashcata ricuchinchij. Testigo de Jehovacunaca ñucanchij imalla yachashcacunahuanmi causaita cuj Diosta sirvingapaj esforzarinchij (Sl 36:9; Ap 4:11). Shina rurashpapish llaquicuna ricurijpica Diosta ashtahuan sirvinatami huashaman saqui tucunchij (Mr 4:18, 19). Chaimantami: “¿Diostaca tucui shunguhuanchu sirvicuni? (Os 14:2). ¿Trabajomanta o estudiomanta tucui shunguhuan Diosta sirvinata saquishcanichu? ¿Diosta ashtahuan sirvingapajca imatataj ruracuni? ¿Ima shinataj Diosta ashtahuan sirvi tucuni?” nishpami tapurina canchij. Diosta ashtahuan sirvi tucushpaca paita mañashpa cambiocunata rurai. Punllanta Diosta alabashpa, paipajta rurashpaca cushillami causashun (Sl 61:8).

CAN IMATA YACHASHCAHUAN DIOSTA SIRVI NISHCA VIDEOTA RICUSHCA QꞌUIPA CAI TAPUICUNATA CUTICHI:

• ¿Ñucanchij imata yachashcahuanca imamantataj mana cai pachapajta rurana canchij? (1Jn 2:17).

• ¿Diosta tucui shunguhuan sirvijcunaca ima bendicioncunatataj charishcacuna?

• ¿Can imata yachashcahuanca maipitaj Diosta sirvisha ningui?