Apostolcunapaj punllacunapi shinallatajmi cunan punllacunapish ñucanchij huauqui panicuna ima llaquipi cajpica ayudana oportunidadta charinchij (Jn 13:34, 35). Caribe ladopi causaj huauqui panicunatami ayudashcanchij nishca videopimi, tucui ladocunamanta huauqui panicuna ima shina ayudashcata ricunchij. Cai videota ricushca qꞌuipa cai tapuicunata cutichi:

• Irma nishca, María nishca jatun acapanacunaca ¿ima shinataj Caribe ladopi causajcunata llaquichirca?

• Caribe ladopi causaj huauqui panicunataca ¿ima shinataj shujtaj huauqui panicuna ayudarca?

• Jatun acapanacuna tiyashcamanta llaquita apacujcunaca ¿ima shinataj huauqui panicuna ayudajpica sintirircacuna?

• ¿Caribe ladopi causajcunataca mashna huauqui panicunataj ayudashpa participarcacuna?

• ¿Huauqui panicunata ayudangapajca imatataj tucuicuna rurai pudinchij?

• ¿Diospaj pueblo ucupi cashcamantaca ima shinataj sintiringui?