¿Ima shinataj allpaca yacuta millpushca? Apocalipsis 12:16-pica allpamanta parlashpaca autoridadcunatami nicun. Cutin Diablopaj shimimanta llujshij yacumanta parlashpaca Diablo llaquichishcacunatami nicun. Cai tucui huatacunapica Diabloca Diospaj pueblotami llaquichishca. Pero Jehová Diosca quishpichij Dios cashcamantami paipaj pueblota ayudachun huaquin autoridadcunaman yuyaita cushca (Sl 68:20; Pr 21:1). Cai autoridadcunaca cunan punllacunacamami Diospaj pueblota tauca cutincuna ayudashca (Esd 6:1-12; Est 8:10-13). Chashnami allpaca o autoridadcunaca Diablopaj shimimanta llujshij yacuta o pai llaquichishcacunata millpuj shina cashca.

¿Canchari Diosta sirvicushcamanta carcelpi cangui? Jehová Dios canta cuidacushcataca amataj cungaringuichu (Gé 39:21-23; Sl 105:17-20). Yaya Dios paita sirvijcunata bendiciaj cashcatapish tucui shunguhuanmi crina cangui. Shinallataj cambaj ejemplohuanmi mundo enteropi caj huauqui panicunata sinchiyachingui (Flp 1:12-14; Ap 2:10).

COREANO HUAUQUICUNAMI CARCELMANTA LLUJSHIN NISHCA VIDEOTA RICUCHISHCA HUASHA CAI TAPUICUNATA CONTESTAI:

• ¿Corea del Surpica imamantataj huauquicunataca achca huatacunata carcelpi churarcacuna?

• ¿Juezcunaca imamantataj huauquicunataca manaraj carcelmanta llujchina horas llujshichircacuna?

• ¿Diosta cazushcamanta carcelpi caj huauquicunataca ima shinataj ayudai tucunchij?

• Ñucanchijca manachari carcelpi canchij ¿chashna cajpica imatataj rurana canchij?

• ¿Juezcuna huauquicunata carcelmanta llujshichun ayudashcamantaca pitataj jatunyachina canchij?