¿IMAMANTATAJ MINISHTIRISHCA CAN? Huillangapaj agllashca publicacioncunaca jw.org paginaman yaicuchunmi ricuchin. Jw.org paginata ricuchij tarjeta, ¿Ñucanchij tapurishcacunataca maipitaj yachai tucunchij? nishca tratadopish cai paginatami ricuchin. Huillangapaj agllashca maijan publicacioncunata jw.org paginamanta surcushpami shujtaj shimita parlaj gentecunaman cachai tucunchij. Shinallataj ima tapuicunata gentecuna rurajpipish jw.org paginata alli utilizashpaca allimi yachachi tucushun.

¿IMA SHINATAJ UTILIZAI TUCUNCHIJ?

• “PUBLICACIONCUNA” nishcata utilizai. Shuj yaya paipaj huahuacunata ima shina alli huiñachinata yachasha nijpica PUBLICACIONCUNA > VIDEOCUNA > HUAHUACUNAPAJ nishcaman yaicui.

• “PUBLICACIONCUNA” nishcata utilizai. Shuj joven paipaj compañerohuan parlacushpa Joven cai 10 tapuicunapi ¿yuyashcanguichu? nishca folletota ricuchisha nishpaca PUBLICACIONCUNA > LIBROCUNA, FOLLETOCUNAPISH nishcamanmi yaicui tucun.

• “ÑUCANCHIJTA RIJSI” nishcata utilizai. Trabajopi shuj compañerohuan testigocunamanta ashata parlasha nishpaca ÑUCANCHIJTA RIJSI > ¿TESTIGO DE JEHOVACUNACA IMATATAJ RURANCUNA? nishcaman yaicui.

JW.ORG PAGINATA ALLI UTILIZAI NISHCA VIDEOTA RICUSHCA QꞌUIPACA GENTECUNATA IMA SHINA AYUDANAPI YUYAI:

• Diospi mana crij gentecunahuan parlangapaj.

• Sinchi llaquicunata charij gentecunata cushichingapaj.

• Congregacionmanta caruyashca shuj huauquita o panita ayudangapaj.

• Muyundij Allpapi huillangapaj maimanta cullquita llujshichishcata parlangapaj.

• Shujtaj llajtamanta gentecunahuan parlashpa paicunapaj llajtapi ima shina tandanacuicunaman ri tucushcata ricuchingapaj.