Ezequiel muscuipi shina ricushca jatun huasica Diosta sirvijcuna shungumanta sacrificiocunata cunaman shamuna cashcatami ricuchin. ¿Alabana sacrificiocunataca ima shinataj Diosman cui tucunchij? (Heb 13:15, 16).

Precursor auxiliar shina Diosta sirvishpami paiman sacrificiocunata cui tucunchij. Septiembre 2017-manta agosto 2018-camaca huaquin quillacunami pichca sábado o domingo punllata charin. Lunesmanta viernescama trabajaj huauquicuna panicunaca sábado, domingo punllacunata huillashpami precursor auxiliar shina sirvi tucuncuna. Ashtahuanpish tucui publicadorcunami abril, marzo quillacunapi o superintendente huauqui congregacionta visitajpica 30 horascunata huillashpa precursor auxiliar shina sirvi tucunchij.

¿Precursor auxiliar shina mana sirvi tucushpaca imatataj rurai tucunchij? Tucuicunami ashtahuan huillangapaj esforzari tucunchij. Diosta cꞌuyashcamanta septiembre 2017-manta agosto 2018-cama ashtahuan huillangapaj esforzarishunchij (Os 14:2).

“SABINA SHINA DIOSTA SIRVISHUNCHIJ” NISHCA VIDEOTA RICUSHPA CAI CATIJ TAPUICUNATA CUTICHI:

• ¿Sabinaca imamantataj Diosta ashtahuan sirvinata munarca?

• ¿Sabinapaj ejemploca ima shinataj canta ayudan?

• ¿Septiembre 2017-manta agosto 2018-camaca ima quillapi o ima quillacunapitaj precursor auxiliar shina sirvi tucuni?