Cada huatami testigo de Jehovacunapish, achca millón invitashca gentecunapish Jesús mandashca shina pai huañushcata yuyaringapaj tandanacuncuna (Lucas 22:19). Cai tandanacuimi Jesús ñucanchijta quishpichingapaj huañushcamanta agradicichun, cunan punllacunapipish shamuj punllacunapipish ima shina beneficiari tucushcata yachachun ayudanga (Juan 3:16).

 Jesús huañushcata yuyarina tandanacuiman rishpapish, mana rishpapish, ¿Jesús huañushcamantaca ima shinataj beneficiari tucungui? Jesusca ishqui importante yuyaicunata pajtachichunmi mandarca:

1.  1. Jehová Diosmanta, Jesusmanta yachai. Jesusca paipaj Yayata mañashpaca: “Huiñai causaita charingapajca: canlla mana llulla Dios cashcata rijsinami. Can cachashca Jesucristotapish rijsinami” nircami (Juan 17:3).

2.  2. Ima yachacushcataca cambaj causaipi pajtachi. Jesusca pai yachachishcacunata ñucanchij causaipi pajtachina importante cashcatami yachachirca. Por ejemplo, shuj urcupi Jesús yachachicushpaca paita uyashpa cazujcunatami felicitarca (Lucas 6:46-48). Shinallataj Juan 13:17-pica Jesusca: “Cunanca cai nishcacunataca ñami yachanguichij. Shinapish chaicunata pajtachishpaca cushicunguichijmi” nircami.

 ¿Jesusmanta, Yaya Diosmanta ashtahuan yachanata munanguichu? ¿Can yachashcata cambaj causaipi ima shina pajtachina cashcata yachasha ninguichu? Cai catij yuyaicunata ricui.

 Bibliamanta ñucanchijhuan yachashpaca Diosmantami ashtahuan yachangui. Shinallataj cai yachachishcacunata cambaj causaipi ima shina pajtachinatapishmi yachangui.

•   Bibliamanta ashtahuan yachasha nishpaca Shuj yachachijhuan Bibliamanta yachai nishca paginaman yaicui.

•   Testigo de Jehovacunahuan Bibliata ima shina estudianata yachangapajca Bibliata estudiangapaj alli shamushca nishca videota ricui.

 Testigo de Jehovacunaca semanapi ishqui cutinmi Diosta adorangapaj Tandanacuna Huasicunapi tandanacunchij. Cai tandanacuipica Bibliamanta, Biblia yachachishcacunata ima shina ñucanchij causaipi pajtachinatami yachanchij.

 Cai tandanacuicunamanca tucuicunami shamui tucun. Ñucanchijhuan tandanacungapajca testigo de Jehová canaca mana minishtirinchu. Pudishpaca tandanacui huasimanmi shamui tucungui, mana cashpaca videollamadata rurashpami conectari tucungui.

•   Testigo de Jehovacunapaj tandanacuicunapi imallataj rurajcuna cashcata ashtahuan yachangapajca ¿Ñucanchij tandanacuicunapica imatataj ruranchij? nishca videota ricui.

•   Can causan ladopi Testigocunapaj tandanacuna huasi maipi saquirishcata yachangapajca Testigo de Jehovacunapaj tandanacuicuna nishca paginaman yaicui.

 Testigo de Jehovacunapaj paginapi tiyaj videocuna, yachaicunaca Jesuspaj yachachishcacunata ashtahuan yachangapajmi ayudanga. Shinallataj Jesús ñucanchijmanta huañushcata valorachunpishmi ayudanga.

 Por ejemplo, shuj runallamanta ima shina achca gentecuna quishpiri tucushcata yachangapajca “¿Jesusca ima shinataj ñucanchijta quishpichi tucun?” “¿Porqué sufrió y murió Jesús?” nishca yachaicunata liyi. Shinallataj ¿Jesusca imamantataj huañurca? nishca videotapish ricui.